لاہور: پاکستان ہاکی ٹیم کے کپتان عماد شکیل بٹ نے پاکستان اسپورٹس بورڈ کے ظہرانے کی دعوت ٹھکرا دی۔
اسپورٹس بورڈ نے عماد شکیل کو اسلام آباد آنے کے لیے سفر کے 5600 روپے ادا کیے جس پر عماد شکیل نے شکریہ کے ساتھ دعوت مسترد کردی کہا کہ اتنے پیسے تو ٹول کی ادائیگی پر لگ جاتے ہیں، کپتان نے رقم ناکافی ہونے کا کہہ کر ایونٹ سے باہر ہونے کا انتخاب کیا۔
خیال رہے کہ پاکستان اسپورٹس بورڈ نے ظہرانے کے لیے قومی ہاکی ٹیم کے 6 کھلاڑیوں کو مدعو کیا جن میں سفیان خان، رانا وحید ،عبداللہ، منیب الرحمان اور حنان شاہد بھی شامل ہیں اس کے علاوہ ظہرانے کے لیے دیگر کھیلوں کے کھلاڑیوں کو بھی مدعو کیا گیا ہے جس میں اولمپک گولڈ میڈلسٹ ارشد ندیم اور نوح دستگیر بھی شامل ہیں۔
واضح رہے کہ اتوار کو نیشنل ہاکی سٹیڈیم میں کھیلے گئے فائنل میں نیوزی لینڈ نے پاکستان کو 6-2 سے شکست دے کر ایف آئی ایچ نیشنز کپ کا ٹائٹل اپنے نام کیا تھا۔
محرم الحرام کا چاند 26 جون کو نظر آنے کے امکانات ہیں، اسپارکو
وزیراعظم شہباز شریف سے چینی سفیر کی ملاقات
نیتن یاہو کی دیوارِ گریہ پر خصوصی دعائیں
