fbpx

آنرآئندہ ماہ اپنا پہلا فون عالمی سطح پرمتعارف کرانے کے لئے تیار

ہواوے سے الگ ہونے کے بعد آنر اپنا پہلا اسمارٹ فون عالمی سطح پر مئی میں پیش کرنے جا رہا ہے-

باغی ٹی وی :غیر ملکی میڈیا رپورٹ کے مطابق ہواوے سے الگ ہونے کے بعد آنر کا پہلا اسمارٹ فون وی 40 فائیو جی چین میں جنوری 2021 میں متعارف کرایا گیا تھا تاہم اب یہ کمپنی ہواوے سے علیحدگی کے بعد عالمی سطح پر پہلا اسمارٹ فون آنر 50 سیریز کی شکل میں متعارف کرانے والی ہے۔

فوٹو بشکریہ جی سی ایم ارینا
فون میں ڈوئل سرکولر ڈیزائن کیمرا سیٹ اپ بیک پر موجود ہوگا یہ کیمرا سیٹ اپ ہواوے کے نئے فلیگ شپ فون پی 50 کی لیک تصاویر سے ملتا جلتا نظر آتا ہے جو جون میں متعارف کرائے جانے کا امکان ہے۔

فوٹو بشکریہ جی سی ایم ارینا
تاہم آنر 50 فون میں کیمرا سیٹ اپ کا اوپری سرکل ایک لینس پر مشتمل ہوگا جبکہ نیچے والے سرکل میں 2 کیمرے چھپے ہوں گے جبکہ ایل ای ڈی فلیش دونوں سرکلز کے درمیان ہوگی جبکہ مزید تفصیلات ابھی سامنے نہیں آئیں-

واضح رہے کہ اس سے قبل چین میں ہی جنوری میں آنر وی 40 فائیو جی فون میں اینڈرائیڈ 10 آپریٹنگ سسٹم کا امتزاج کمپنی نے اپنے میجک یو آئی 4.0 سے کیا ہے فون کو چین میں ہی فروخت کے لیے پیش کیا گیا کیونکہ وہاں فون گوگل سروسز کے بغیر ہی دستیاب ہوتے ہیں۔

تاہم کمپنی اپنا پہلا فون آنر 50 سیریز عالمی سطح پر متعارف کرانے جا رہی ہے اس میں گوگل سروسز اور ایپس موجود ہوں گی یا نہیں یہ ابھی تک واضح نہیں ہے یہ آئندہ ماہ میں ہی پتہ چل سکے گا-

خیال رہے کہ مئی 2019 کو امریکی پابندیوں کے نتیجے میں ہواوے اور آنر کے نئے فونز گوگل سروسز سے محروم ہوگئے تھے، جس سے مختلف مارکیٹوں میں ڈیوائسز کی فروخت متاثر ہوئی تھی مگر ہواوے نے 2020 کے آخر میں آنر کو فروخت کردیا تھا۔

جواب چھوڑیں

آپ کا ای میل ایڈریس شائع نہیں کیا جائے گا.