راجنپور کی تحصیل روجھان میں اغواء کاروں نےتاوان نہ دینے پر دو مغوی قتل کردئے
تھانہ بنگلہ اچھا کی حدود چک بیلے شاہ میں کچے کے جرائم پیشہ افراد اور اغواء کارلنڈ گینگ نے تاوان نہ دینے پر دو مغویوں کو قتل کردیا ۔ اغواء کاروں نے مغویوں کو قتل کرنے بعد لاشیں دریا ئے سندھ میں پھنک دیں۔
پولیس نے دریا سندھ سے ایک مغوی کی لاش برآمد کرلی، جب کہ دوسرے مغوی کے نعش کی تلاش جاری ہے۔
پولیس کے مطابق قتل ہونیوالے مغویوں کے نام احسن فاروق راجپوت اور شہزاد احمد ارائیں ہیں، لنڈ گینگ نے احسن اور شہزاد کی رہائی کے لیے بھاری تاوان کا مطالبہ کیا تھا تاوان نہ دینے پر دونوں کو قتل کیا گیا۔
جبکہ ذرائع کے مطابق پولیس نے مقدمہ درج کر کے ڈاکوؤں کے خلاف آپریشن شروع کردیا ہے۔
