وزیراعظم عمران خان کی معاون خصوصی برائے اطلاعات ڈاکٹرفردوس عاشق اعوان نے کہا ہے کہ وزیراعظم عمران خان کی دورہ امریکا کی کامیابیوں سے ہاؤس آف شریف کے ارمانوں پر اوس پڑ گئی۔شہباز شریف کا بیان کپتان کے خلاف حسد کا اظہار ہے۔امریکا میں پاکستانیوں کا تاریخ کا سب سے بڑا جلسہ دیکھ کر برداشت نہیں ہوا۔
https://twitter.com/Dr_FirdousPTI/status/1153888560875016192
باغی ٹی وی کی رپورٹ کے مطابق سماجی رابطے کی ویب سائٹ ٹویٹر پر ٹویٹ کرتے ہوئے ڈاکٹر فردوس عاشق اعوان نے کہا کہ عمران خان کشمیریوں کے وکیل بن کر ابھرے۔تنازع کشمیر کے حل کی اہمیت کو بھرپور انداز میں اجاگر کیا۔شہباز شریف کشمیر پر سیاست کرنے سے پہلے آنکھیں کھول کر سید علی گیلانی کا بیان پڑھ لیتے۔کشمیریوں کے قائد خوشی کا اظہار کر رہے ہیں۔
وزیراعظم نے امریکا میں ایسا اعلان کیا کہ پی پی اور ن لیگ کے ہوش اڑ گئے
ایک اور ٹویٹ میں فردوس عاشق اعوان نے کہا کہ کم ظرف سوچ کے ساتھ بسوں میں سفر کا طعنہ دینے کی بجائے عمران خان کی سادگی اور کفایت شعاری کی مثال سے سیکھتے؟شہباز صاحب! آپ سب سے بڑے شعبدہ باز ہیں جو لندن میں تو سڑکیں پیدل ناپتے ہیں لیکن پاکستان آتے ہی پروٹوکول کے نشے کا شکار ہو جاتے ہیں۔
ایک اور ٹویٹ میں فردوس عاشق اعوان نے کہا کہ عمران خان سے عداوت اور بغض میں جتنا عوام کو گمراہ کرتے ہیں،ان کی محبت عمران خان کے لیے بڑھتی جاتی ہے۔ایرینا ون کے عوامی جوش وخروش،والہانہ استقبال اورصدر ٹرمپ کے ساتھ کامیاب ملاقات نے ان کی نیندیں اڑا دیں ہیں۔
ایک اور ٹویٹ میں فردوس عاشق اعوان نے کہا کہ شہباز شریف کا وزیراعظم کے دورہ امریکا کے حوالے سے بیان ان کی پست سوچ اور کرپٹ خصلت کا آئینہ دار ہے۔
وزیراعظم عمران خان کا دورہ امریکا کامیاب ترین، پاکستان واپس روانہ
واضح رہے کہ وزیراعظم عمران خان نے تین روزہ امریکا کا دورہ کیا جہاں انہوں نے امریکی صدر ڈونلڈ ٹرمپ سمیت امریکی حکام،سرمایہ کاروں، تاجروں اور پارٹی رہنماؤں سے ملاقات کی، وزیراعظم نے کیپیٹل ون ایرینا میں پاکستانی کمیونٹی کے اجتماع سے بھی خطاب کیا.
