خیبر: مکان کی چھت گرنے سے ایک ہی خاندان کے 6 افراد جاں بحق

خیبر لنڈی کوتل(باغی ٹی وی رپورٹ) ضلع خیبر میں بوسیدہ مکان کی چھت گرنے سے خواتین اور بچوں سمیت ایک ہی خاندان کے 6 افراد جاں بحق ہوگئے ہیں۔

پولیس کے مطابق واقعہ صبح سویرے ضلع خیبر کے دور آفتادہ علاقے بازار ذخہ خیل میں پیش آیا جہاں بوسیدہ مکان کی چھت گرگئی۔

پاک افغان بارڈ تورخم کے قریب ضلع خیبر تحصیل لنڈی کوتل کے دورافتادہ اور پسماندہ علاقہ کے بازار ذخہ خیل نظرخیل میں گل محمد نامی شخص کے گھر کی چھت گرنے سے 6 افراد شہید ہوگیےہیں، جاں بحق افراد میں ایک ہی خاندان کے دو خواتین سمیت چار بچے بھی شامل .

پولیس کا بتانا ہے کہ مکان کی چھت گرنے کے باعث گھر میں سوتے ہوئے ایک ہی خاندان کے 6 افراد دب کر جاں بحق ہوگئے۔ مقامی شہریوں نے اپنی مدد آپ کے تحت لاشوں کو ملبے سے نکالا۔

جبکہ مقامی افراد کا بتانا ہے کہ گزشتہ تین روز سے جاری بارش کے باعث مکان بوسیدہ ہوگیا تھا،جاں بحق افراد میں ابراہیم کی بیوی عمر 27 سال ، محمدولی کی بیوی عمر 29 سال، عالیہ دختر محمد ولی عمر 13 سال،ابوحسن ولد محمد ولی عمر 3 سال ،منتہیٰ دختر ابراہیم عمر 7 سال،
منیلہدختر ابراہیم عمر 4 سال شامل ہیں

اب بارش کاسلسلہ تھم گیا ہے