fbpx

حسن شہر یار یاسین کی جنرل قمر جاوید باجوہ سے ملاقات

پاکستان کے نامور ڈیزائنر، میزبان و اداکار حسن شہر یار یاسین (ایچ ایس وائے) نے سوشل میڈیا پر پاکستان کے چیف آف دی آرمی اسٹاف جنرل قمر جاوید باجوہ کے ساتھ ملاقات کی تصویر شیئر کی ہے۔

باغی ٹی وی : ایچ ایس وائے نے اپنے انسٹا گرام اکاؤنٹ پر ایک تصویر شیئر کی ہے جس میں اُنہیں جنرل قمر جاوید باجوہ کے ساتھ دیکھا جا سکتا ہے۔

حسن شہر یار یاسین نے جنرل قمر جاوید باجوہ کے ساتھ ملاقات کو اپنے لیے اعزاز قرار دیتے ہوئے تصویر کے کیپشن میں پاک افواج کے لیے ایک خوبصورت جذباتی پیغام بھی لکھا ہے۔

حسن شہر یار نے لکھا کہ ’اُن کے خاندان کے متعدد افراد نے ایئر فورس، نیوی اور آرمی کے شعبوں میں افواج پاکستان کی خدمت کی ہے، انہوں نے دیکھا ہے کہ اُن کے اِن سب ہی رشتہ داروں کی پہلی ترجیح پاکستان رہی ہے، اُن سب کی خواہش رہی ہے کہ خود کو مشکل میں ڈال کر اس ارضِ پاک کی سلامتی کے لیے اپنا کردار ادا کریں۔‘

ایچ ایس وائے نے مزید کہا کہ ’اُنہوں نے ہمیشہ اپنی زندگی میں پاکستان کی افواج کو اعلیٰ مقام پر رکھا ہے۔‘

حسن شہر یار کا پنی انسٹاگرام اسٹوری میں مزید کہنا تھا کہ ’اُن کی جنرل قمر جاوید باجوہ کے ساتھ ملاقات ایک خوبصورت ملاقات تھی، ’پرائیڈ آف پاکستان پویلین‘ میں جنرل قمر جاوید باجوہ سے ملاقات اُن کے لیے بڑے اعزاز کی بات ہے۔‘

ایس ایچ وائے نے کیپشن کے آخر میں ’پاکستان زندہ باد‘ کا نعرہ بھی لکھا۔

جواب چھوڑیں

آپ کا ای میل ایڈریس شائع نہیں کیا جائے گا.