پاکستان مرکزی مسلم لیگ کے نائب صدر حافظ طلحہ سعید نے کہا ہے کہ ایٹمی پاکستان عالم اسلام کا محافظ ہے.حکمرانوں کی ترجیحات اپنی جیبیں بھرنے کی بجائے وطن عزیز کی خوشحالی اور مضبوط دفاع ہونا چاہئے. نئی نسل کو قیام پاکستان کے مقاصد سے صحیح طور پر آگاہ کرنے کی ضرورت ہے۔ مرکزی مسلم لیگ پاکستان بھر میں سحر و افطار دسترخوان لگا کر لاکھوں افراد کو سحری و افطاری کروا رہی ہے.خدمت کا رمضان،خدمت کی سیاست کا سفر جاری رکھیں گے
ان خیالات کا اظہار انہوں نے مقامی ہوٹل میں افطار ڈنر کی تقریب سے خطاب کرتے ہوئے کیا.اس موقع پر پاکستان مرکزی مسلم لیگ اسلام آباد کے صدر انعام الرحمن کمبوہ بھی موجود تھے،افطار ڈنر میں مختلف سیاسی، سماجی اور مذہبی شخصیات نے شرکت کی .حافظ طلحہ سعید کا کہنا تھا کہ پاکستان رب کا انعام، 27 رمضان کووجود میں آیا. قیام پاکستان کے لئے لاکھوں افراد کی قربانیاں دی گئیں. بانی پاکستان نے قیام پاکستان کے وقت جو خواب دیکھا تھا اسکی تکمیل آزادی کشمیر سے ہو گی. کشمیر کی آزادی کے بغیر پاکستان نامکمل ہے.سیاسی جماعتیں پاکستان میں کرسی کیلئے دست و گریبان ہیں عوام کی کسی کو فکر نہیں. مرکزی مسلم لیگ پاکستان بھر میں عوام کی خدمت کر رہی ہے . خدمت کا رمضان مہم کے تحت پاکستان بھر میں ہزاروں سحر و افطار دسترخوان لگائے ہیں جن پر لاکھوں افراد سحر ی و افطاری کر رہے ہیں.
حافظ طلحہ سعید کا مزید کہنا تھا کہ رمضان المبارک رحمتوں، برکتوں او رسعادتوں والامہینہ ہے۔ نوجوانوں کو چاہیے کہ وہ اپنے عقائد و اعمال کی اصلاح کرے اور قرآن پاک سے اپنے تعلق کو مضبوط بنائیں۔روزے کا اصل مقصد بھوکا اور پیاسا رہنا نہیں بلکہ تقویٰ کا حصول ہے، اللہ تعالیٰ کی ناراضگی والے کاموں کو ترک کیاجائے۔ زیادہ سے زیادہ توبہ و استغفارکو اپنا معمول بنایاجائے اور ملک و ملت کی سلامتی کیلئے خصوصی دعائیں ومظلوم مسلمانوں کی ہر ممکن مدد کی جائے۔
