جو خود محتاج ہو وہ کیا این آر او دے گا ،ہم آپکو مودی کا یار نہیں کہیں گے، مریم نواز

مسلم لیگ ن کی نائب صدر مریم نواز نے عمران خان پر تنقید کرتے ہوئے کہا ہے کہ ہم آپ کومودی کا یارنہیں کہیں گے،ہم ہمسائیہ ممالک سےدوستی چاہتے ہیں. نواز شریف جیل سے باہر آ جائے تو تمھاری حکومت ایک دن نہیں چل سکتی

باغی ٹی وی کی رپورٹ کے مطابق یوم تکبیر کی تقریب سے خطاب کرتے ہوئے مریم نواز نے کہا کہ کارکنوں کوایک سلام میری طرف سےاوردوسرا کوٹ لکھپت سے پیش کررہی ہوں،مریم نواز نے کہا کہ آپ کوپتا ہےجرات مندانہ فیصلہ کرنے والاکونسا لیڈرہے،ایٹمی پروگرام کی بنیاد رکھنےوالے ذوالفقارعلی بھٹوکوپھانسی دی گئی اورجرات مندانہ فیصلہ کرنےوالا نوازشریف جیل میں ہے، مریم نواز نے مزید کہا کہ نوازشریف نے پاکستان کوایٹمی قوت بنایا،آپ چوردروازے سے حکومت میں آئے ہواس لیے آپ کا کوئی فون نہیں سنتا،آپ مہرےاورکٹھ پتلی ہو،کسی کےاشارے پرناچ رہوہو،اسلیے کوئی آپکی بات نہیں سنتا، انہون نے کہا کہ نالائق اعظم کی جعلی حکومت ہے،چھ ارب ڈالرکے لیےملک کوآئی ایم ایف کےسامنے گروی رکھ دیا گیا،کرکٹ کھیلتے کھیلتے سازشوں کے ذریعے اقتدار میں آنیوالوں کا یہی حال ہوتا ہے .مریم نواز نے مزید کہا کہ آپ شکوہ کرتے ہیں کہ مودی آپ کا فون نہیں سنتا،کہا جارہا ہے کسی کواین آراونہیں دوں گا،اوبھائی آپ سے مانگا کس نے ہےاین آراو؟ جوخود کسی کا محتاج ہو وہ کسی کو کیا این آر او دے گا ،دھاندلی کے ذریعے آنیوالے ہمیشہ خوف میں رہتے ہیں