ہم پیچھے نہیں ہٹیں گے، قانونی جنگ لڑیں گے،حافظ نعیم الرحمان

کراچی: امیرجماعت اسلامی کراچی حافظ نعیم الرحمان نے کہا ہے کہ ہم پیچھے نہیں ہٹیں گے، قانونی جنگ لڑیں گے۔

باغی ٹی وی : کراچی میں الیکشن کمیشن سندھ کے دفتر کے باہر جماعت اسلامی نے احتجاج کیا کارکنوں سے خطاب میں حافظ نعیم الرحمان نے کہا کہ پہلے الیکشن نہیں کرانا چاہتے تھے، پھرموبائل سروس بند کردی، دھاندلی برداشت نہیں، ہمارے پاس فارم 45 موجود ہے۔

حافظ نعیم نے کہا کہ 8 فروری کو ملکی تاریخ کا بدترین دن تھا، کراچی کے مینڈیٹ پر ڈاکا ڈالا گیا، عوام اپنا حق لے کر رہیں گے، آج ہماری اس جہدوجہد کا آغاز ہورہا ہے، دوپٹی کی چپل میں آنے والے ارب پتی بن گئےجو اپنے قائد کے نہیں ہوئے ان کو شکست دے دی، سب لوگ سن لو، الیکشن کمیشن کا جعلی نتیجہ نہیں مانتے، جماعت نے ہمیشہ جعلی مینڈیٹ کو ترک کیا ہے۔