وزیراعلیٰ پنجاب مریم نوازشریف کی یوم دفاع کے موقع پر کینٹ میں یادگار شہداء آمد ہوئی ہے
وزیراعلی مریم نوازشریف نے یادگار شہداء پر پھول چڑھائے،وزیراعلی مریم نوازشریف نے شہداء کے درجات کی بلندی کے لئے دعا کی،وزیراعلیٰ مریم نوازشریف نےیوم دفاع کے موقع پر یاد گار شہداء پر حاضری کے بعد خصوصی گفتگو بھی کی اور کہا کہ میرے لئے بہت اعزاز اور فخر کی بات ہے کہ یوم دفاع پر آج مجھے شہداء کی یاد گار پر آنے اور خراج عقیدت پیش کرنے کا موقع ملا – شہداء کی فیملیز سے ملاقات کرنے کا موقع ملا اور اس باوقار تقریب میں شامل ہونے کا موقع ملا – قوم کو پیغام دینا چاہتی ہوں کہ بیرونی دفاع میں افواج پاکستان ایک بہت اچھا کام کررہی ہیں -افواج پاکستان جاگتی ہیں تو ہم سکون سے سوتے ہیں، ہمارے بارڈرز، فرنٹیرز اور سرحدوں کی حفاظت کرتے ہیں -ملک کا اندرونی دفاع ہم سب کی اجتماعی ذمہ داری ہے-شہداء ہمارے لئے جانوں کا نذرانہ پیش کرتے ہیں، ان کی عزت کی حفاظت، ان کی قربانی کا احترام ہم سب کی اجتماعی ذمہ داری ہے- آج میں شہداء کی ماؤں کو خصوصا خراج تحسین پیش کرنا چاہتی ہوں، ان سے میری ملاقات بھی ہوئی ہے – یہ ایک ایسا جذبہ ہے کہ ہم اسے سوچنا چاہئیں تو اس جذبے کی عظمت کا احاطہ نہیں کرسکتے- ایک ماں اس بات کو سمجھ سکتی ہے کہ اس کا بچہ گھر سے باہر جاتا ہے، ماں انتظار میں ہوتی ہے اسکی خیریت کے لئے دعا کرتی ہے، جب بچہ آتا ہے تو ماں سکون کی نیند سوتی ہے- میں سمجھتی ہوں کہ یہ جذبہ بھی ایک ناقابل تسخیرجذبہ ہے جب ماں اپنے بچے کو میدان جنگ میں ملک کی حفاظت کے لئے بھیجتی ہے، ماں جانتی کہ وہ اسے کہاں بھیج رہی ہے اور اس کے ساتھ کیا ہوسکتاہے، اس کو یہ پتہ ہوتاہے کہ ایک دن اس کا جسد خاکی بھی واپس آسکتاہے- ہمارے آفیسر اور جوان بہادری سے سرحدوں پر لڑتے ہیں – افواج پاکستان جس قربانی کے نظریے کے تحت اپنی جان کے نذرانے پیش کرتے ہیں اس جذبے کی آبیاری ماں کی گود سے ہوتی ہے – بہادری ماں کی گود سے جنم لیتی ہے، میں ان ماؤں اور والدین کی بہادری کو سلام پیش کرتی ہوں -شہداء کے خاندانوں، بچوں اور بیویوں کو سلام پیش کرتی ہوں -شہداء اوران کی فیملیز کی قربانیوں کے سامنے میں کیا بات کروں، ہمیں اپنا آپ بہت چھوٹا لگتاہے – شہداء کی قربانیاں کسی بھی قوم کی ریڈ لائن ہوتی ہے، اسے کراس کرنا،اسے توڑنا،کسی بھی محب وطن انسان کو زیب نہیں دیتا – اللّٰہ تعالی پاکستان کو سلامت رکھے، پاکستان زندہ باد-
اس موقع پر پاک فوج کے چاق و چوبند دستے نے یادگار شہداء پرسلامی پیش کی ،وزیراعلی مریم نوازشریف نے شہداء کی عظیم قربانیوں کو خراج عقیدت پیش کیا،وزیراعلی مریم نوازشریف نے شہداء کی فیملیز سے ملاقات کی، شہداء کے بچوں سے اظہار شفقت کیا
دنیا کی کوئی طاقت پاکستان کو نقصان نہیں پہنچا سکتی،آرمی چیف
یوم دفاع پاکستان،ملکی سلامتی کیلئے دعائیں،شہدا کی قبروں پر سلامی
کوئی سیاسی ایجنڈا نہیں،فیض حمید کیخلاف ثبوتوں پر کاروائی ہو رہی، ترجمان پاک فوج
فوج میں کڑے احتسابی نظام پر عملدرآمد استحکام کیلئے لازم ہے،آرمی چیف
پاکستان کا سب سے بڑا سرمایہ نوجوان ہیں، انہیں ضائع نہیں ہونے دیں گے: آرمی چیف جنرل عاصم منیر
شرپسند عناصر عوام اور مسلح افواج میں خلیج پیدا کرنے کی کوشش کر رہے ہیں۔آرمی چیف
قوم کا پاک فوج پر غیر متزلزل اعتماد ہمارا سب سے قیمتی اثاثہ ہے،آرمی چیف
مضبوط جمہوریت کے لیے درست معلومات کا فروغ لازمی ہے۔آرمی چیف
