fbpx

لاہورمیں کورونا ویکسین کی سیکڑوں خوراکیں ضائع ہوئیں یااہم شخصیات اوردوستوں کولگائی گئیں،اہم انکشافات

لاہور:لاہور میں کورونا ویکسین کی سیکڑوں خوراکیں ضائع ہوئیں یا اہم شخصیات اوردوستوں کو لگائی گئیں،اہم انکشافات،اطلاعات کے مطابق صوبہ پنجاب کے دارالحکومت لاہورکے سروسز اسپتال سے کورونا ویکسین کی 550 خوراکیں غائب ہونےکا انکشاف ہوا ہے۔

ذرائع محکمہ صحت کے مطابق لاہورکےسروسز اسپتال میں کورونا ویکسین کی 550 خوراکیں مبینہ طور پر غائب ہونےکا معاملہ سامنے آیا ہےجبکہ مزنگ اسپتال میں کورونا ویکسین کی 350 خوراکیں ضائع ہوگئیں۔

محکمہ صحت ذرائع کا کہنا ہے کہ سروسز اسپتال میں کورونا کی 550 خوراکوں کا کوئی ریکارڈ نہیں، سروسز اسپتال میں یہ معاملہ سابق ایم ایس سلیم چیمہ کے دور میں ہوا اور ویکسین کی 550 خوراکیں اہم لوگوں اوردوستوں کو لگادی گئیں۔

ذرائع محکمہ صحت کے مطابق بیوروکریٹس اورکچھ اہم شخصیات کوگھروں میں جاکر ویکسین لگائی گئی جبکہ وفاقی وزیر طارق بشیرچیمہ کے اہل خانہ کو بھی یہی ویکسین لگانے کا شبہ ہے۔

اس حوالے سے سروسز انسٹیٹیوٹ آف میڈیکل سائنسز (سمز) کے پرنسپل ڈاکٹر امجد کا کہنا ہے کہ ویکسین غائب نہیں ہوئی بلکہ ریکارڈ مرتب کرنے کا مسئلہ سامنے آیا۔

دوسری جانب وزیر صحت پنجاب ڈاکٹر یاسمین راشد کا کہنا ہے کہ سروسز اسپتال کی کورونا ویکسین کی 550 خوراکوں کا آڈٹ کیا جارہا ہے، ویکسین کا کہاں استعمال ہوا؟ رپورٹ چند روز میں آجائے گی۔ویکسین ضائع ہونے پر انکوائری کے بعد ایم ایس کو معطل کردیا۔

اُدھر سابق سابق ایم ایس سلیم چیمہ کا کہنا ہے کہ ویکسین کا تمام ریکارڈ موجود ہے، چار روز تک این سی او سی کی سائٹ پر ڈیٹا اپ لوڈ نہیں ہوسکا تھا۔

جواب چھوڑیں

آپ کا ای میل ایڈریس شائع نہیں کیا جائے گا.