ہیٹی میں سمندری طوفان "میلیسا” کے باعث شدید بارشوں اور سیلاب سے 10 افراد ہلاک ہوگئے جبکہ طوفان جمیکا سے ٹکرانے کے بعد کیوبا کے مشرقی ساحلوں سے ٹکرا گیا۔
امریکی نیشنل ہریکن سینٹر کے مطابق طوفان "میلیسا” کی شدت کیٹیگری 3 تک پہنچ چکی ہے اور اس کے نتیجے میں 105 میل فی گھنٹہ کی رفتار سے ہوائیں چل رہی ہیں۔حکام کے مطابق لاکھوں افراد کو محفوظ مقامات اور شیلٹرز میں منتقل کردیا گیا ہے، جبکہ کئی علاقوں میں طوفانی ہواؤں اور ممکنہ سیلاب کا خطرہ برقرار ہے۔کیوبا کے پانچ صوبوں میں ہنگامی وارننگ جاری کردی گئی ہے۔ امریکی میڈیا کے مطابق جمیکا میں طوفان میلیسا نے شدید تباہی مچائی، جہاں 5 لاکھ سے زائد افراد بجلی سے محروم ہیں۔
درجنوں درخت اور بجلی کی تاریں گرنے سے نظامِ زندگی مفلوج ہوگیا ہے، کئی علاقے زیرِ آب آگئے ہیں جبکہ اسپتالوں کو شدید نقصان پہنچنے کے باعث مریضوں کو دیگر مراکزِ صحت میں منتقل کیا جارہا ہے.
پاکستان کا ہر انچ دفاع، پی ٹی آئی بھی پاکستان کے ساتھ ہے،گوہر علی خان کا پیغام
خیبر پختونخوا سے سینیٹ کی جنرل نشست پر ضمنی انتخاب آج ہوگا
وزیرِ اعلیٰ خیبر لہجہ درست کریں تو مسائل حل ہو سکتے ہیں،رانا ثناء اللّٰہ
