شمال مشرقی بھارتی ریاست میگھالیہ میں ہنی مون کے دوران شوہر کے بہیمانہ قتل میں ملوث بیوی اور اس کے ساتھیوں کو سزائے موت دینے کا مطالبہ زور پکڑ گیا۔
اندور کے تاجر راجہ رگھونشی کی شادی 11 مئی کو سونم سے ہوئی تھی، دونوں 21 مئی کو ہنی مون کے لیے شیلانگ پہنچے، تاہم 26 مئی کو لاپتہ ہو گئے۔ 2 جون کو راجہ کی لاش سوہرا کی وی سوڈونگ آبشار کے قریب گہری کھائی سے ملی۔تحقیقات سے انکشاف ہوا کہ سونم اپنے مبینہ عاشق راج کشواہا کے ساتھ مل کر شوہر کو راستے سے ہٹانے کی سازش میں شامل تھی۔ پولیس کے مطابق سونم نے 20 لاکھ روپے میں 3 کرائے کے قاتل ہائر کیے، جنہوں نے اس کی موجودگی میں قتل کی واردات انجام دی۔
میگھالیہ پولیس نے 790 صفحات پر مشتمل چالان عدالت میں جمع کرایا، جس میں سونم، اس کے عاشق کشواہا، تین دوستوں ویشال سنگھ چوہان، آکاش سنگھ راجپوت، آنند کورمی اور دیگر 3 افراد کو نامزد کیا گیا۔راجہ کے بھائی وپن رگھونشی نے میڈیا سے گفتگو میں کہا کہ ہمارا صرف ایک مطالبہ ہے کہ سونم، کشواہا اور ان کے ساتھیوں کو سزائے موت دی جائے۔
پولیس کے مطابق 5 ملزمان کو مدھیہ پردیش اور اتر پردیش سے گرفتار کیا گیا جبکہ شواہد مٹانے کے الزام میں مزید 3 افراد کو بھی حراست میں لیا گیا۔
غزہ: اسرائیل کا 10 لاکھ شہریوں کو انخلا کا حکم، بڑے پیمانے پر کارروائی کا آغاز
کراچی: کیش وین سے 2 کروڑ 32 لاکھ روپے لوٹ لیے گئے
غزہ میں اسرائیلی حملوں میں تیزی، مزید 40 فلسطینی شہید
غزہ میں اسرائیلی حملوں میں تیزی، مزید 40 فلسطینی شہید
