سینئرصحافی و اینکر پرسن مبشر لقمان کا کہنا ہے کہ آئی سی سی ایک طرح سے بھارتی کرکٹ بورڈ بن چکا ہے، اور اس کا اثر کرکٹ کی اصل روح پر پڑا ہے۔پاکستان بھارت کو چھوڑ کر دیگر ممالک کے ساتھ نیا اتحاد بنائے،کیونکہ آئی سی سی مکمل بھارت کے زیر اثر ہے
سماجی رابطے کی ویب سائٹ ایکس پر ایک پوسٹ میں مبشر لقمان کا کہنا تھا کہ آئی سی سی بھارتی اسپانسرز کے اتنے زیرِ اثر ہو چکا ہے کہ وہ ہر ممکن طریقے سے ان کے مفادات کو پورا کرنے کی کوشش کر رہا ہے۔ "جو لوگ آئی سی سی کے امور چلا رہے ہیں، انہیں یہ سمجھنا چاہیے کہ انہوں نے کھیل کے منصفانہ مقابلے کی بنیادی نوعیت کو تباہ کر دیا ہے، اور یہ سب کچھ بھاری مفاد کے تحت ہو رہا ہے، جہاں پر صرف بھارتی اسپانسرز کا مفاد ترجیح ہے۔”
https://x.com/mubasherlucman/status/1899759499558129695
مبشر لقمان نے مزید کہا کہ ہائبرڈ ماڈل کے مسئلے پر محسن نقوی سے شدید اختلافات ہیں، محسن نقوی کو یہ فیصلہ نہیں کرنا چاہیے تھا، اور نہ ہی انہیں اس معاملے میں حصہ لینا چاہیے تھا۔ اس سے آئی سی سی اور بی سی سی آئی کو بے نقاب کرنا چاہئے تھا۔ پاکستان نے ماضی میں اس معاملے کی بھاری قیمت چکائی ہے اور اب پاکستان کو باقی ممالک کے ساتھ نیا اتحاد قائم کرنا چاہیے۔ انہوں نے کہا کہ "پاکستان کو اب ایک نیا گروپ تشکیل دینا چاہیے، اور موجودہ حالات میں بنگلہ دیش بھی بھارتی اثر و رسوخ سے خوش نہیں ہوگا۔”
مبشر لقمان کا مزید کہنا تھا کہ بھارت پاکستان کے ساتھ اپنے کھیل سے پیسہ نہیں کما سکتا، اورر ہمیں انہیں وہاں مارنا چاہیے جہاں اسے تکلیف ہو۔بنیا کو اسی زبان میں نمٹنا چاہیے جو وہ سمجھتا ہے۔
