نیشنل ڈیٹا بیس اور رجسٹریشن اتھارٹی نے اپنی جدید بائیومیٹرک ٹیکنالوجیز کو پہلی بار کراچی میں جاری دفاعی نمائش آئیڈیاز 2024 میں پیش کیا ہے .
باغی ٹی وی کے مطابق نادرا کے سٹال پر جدید بائیومیٹرک رجسٹریشن اور تصدیق کے آلات پیش کئے گئے ہیں جو نادرا ٹیکنالوجیز لمیٹڈ اور نیشنل ریڈیو اینڈ ٹیلی کام کارپوریشن کے اشتراک سے مقامی طور پر تیار کئے گئے ہیں۔ان میں مقامی طور پر اسمبل کی گئی آل ان ون ہینڈ ہیلڈ بائیومیٹرک ٹیبلٹ، موبائل انرولمنٹ کٹس، سیلف انرولمنٹ کیوسک اور ایک کانٹیکٹ لیس آئرس کیمرہ شامل ہیں۔ یہ آلات جدید قومی شناختی نظام کی معاونت، بارڈر کنٹرول کے میکانزم کو مضبوط بنانے اور عوامی خدمات کی فراہمی کو موثر بنانے کے لیے ڈیزائن کیے گئے ہیں جن میں استعمال کی آسانی، سکیورٹی، پائیداری اور کم لاگت کو مدنظر رکھا گیا ہے۔ان آلات نے بین الاقوامی اور ملکی وفود کی جانب سے خاصی دلچسپی حاصل کی ہے۔یاد رہے کہ آئیڈیاز 2024 میں 33 غیر ملکی وفود بھی شرکت کررہے ہیں ۔دفاعی نمائش میں چین اور ترکی کی کمپنیز کیلئے 3پویلینز بنائے گئے ہیں۔عالمی دفاعی نمائش میں جدید ٹیکنالوجی سے لیس دفاعی ساز و سامان بھی پیش کیا جائے گا ۔ ایران، اٹلی اور یوکرین پہلی بار نمائش میں شریک ہورہے ہیں۔
احتجاج میں بشریٰ بی بی کی شرکت کا ان سے پوچھیں ،علیمہ خان
رینجرز،پولیس کی کارروائی، ڈکیتی میں ملوث 3 ملزما ن گرفتار
9 مئی: 4 افغان سمیت 10 ملزمان کو 6 سال قید، جرمانے
عارف علوی کو سندھ ہائیکورٹ سے بڑا ریلیف مل گیا
