نام نہاد افطار پارٹی میں بننے والے اتحاد ٹوٹ گئے، چودھری سرور

گورنر پنجاب چوہدری محمد سرور نے کہا ہے کہ اپوزیشن سن لے عمران خان وزیر اعظم ہیں اور حکومت پانچ برس پورے کرے گی

باغی ٹی وی کی رپورٹ کے مطابق گورنر پنجا ب چودھری سرور نے لاہور میں میڈیا سے گفتگو کرتے ہوئے کہا کہ اپوزیشن جماعتوں کے اتحاد بنتے رہتے ہیں انہیں سنجیدہ نہیں لیتے، نام نہاد افطار پارٹی میں اتحاد بننے سے پہلے ہی بکھر چکے ہیں، سب جماعتیں کسی ایک نقطے پر جمع نہیں ہو سکیں، گورنر پنجاب کا مزید کہنا تھا کہ پانچ برس کے لئے عوام نے منتخب کیا پانچ سال پورے کریں گے، معاشی مسائل بہت ہیں اس کے باوجود عمران خان پر عوام کا اعتماد ہے.