لاہور: سینئر وزیر پنجاب مریم اورنگزیب نے کہا ہے کہ الحمدللہ 9 مئی ٹو کے پلان کو ناکام بنا دیا گیا-
باغی ٹی وی: مریم اورنگزیب نے کہا کہ شرپسند 2014 میں ڈی چوک قبریں کھودنے آئے تھے اور 2024 میں رینجرز اور پولیس اہلکاروں کو شہید کر کے بھاگ گئے 9 مئی کو کارکنوں کو آگے لگا کر فوجی تنصیبات پر حملہ کیا گیا اور 26 نومبر کو کرائے کے دہشت گردوں اور اسلحے کے ساتھ رینجرز اور پولیس شہید کروائے گئے، یہ لوگ ڈی چوک میں صرف رینجرز اور پولیس کی لاشیں لینے آئے تھے۔
مریم اورنگزیب نے کہا کہ پولیس اور رینجرز اہلکاروں کی شہادت کے ذمہ دار بانی پی ٹی آئی، بشری بی بی اور گنڈا پور ہیں، جو سر پہ کفن باندھ کے آنے کا نعرہ لگا کر آئے تھے وہ پولیس اور رینجرز کو شہید کر کے بھاگ گئے، کوئی بھی پاکستانی یہ حرکت نیہں کر سکتا، تین دن عوام نےپی ٹی آئی کی دہشت گردی دیکھی، تحریک انصاف سیاسی جماعت نہیں“ہارڈنڈ کرمنلز“ کا گروہ ہےبانی پی ٹی آئی کا انقلاب دم دبا کر بھاگ گیا ہے۔
