190 ملین پاؤنڈ کیس:چیئرمین پی ٹی آئی کی درخواست ضمانت بعد ازگرفتاری دائر

اسلام آباد: 190 ملین پاؤنڈ سکینڈل کیس میں چیئرمین پی ٹی آئی کی درخواست ضمانت بعد از گرفتاری دائر کر دی گئی-

باغی ٹی وی : 190 ملین پاؤنڈ اسکینڈل کیس میں چیئرمین پی ٹی آئی نے اسلام آباد کی احتساب عدالت میں درخواست ضمانت بعد از گرفتاری دائر کردی، چیئرمین پی ٹی آئی نے وکیل لطیف کھوسہ،انتظار پنجوتھا، علی اعجاز کے ذریعے درخواست ضمانت دائر کی ، احتساب عدالت کے جج محمد بشیر نے درخواست پر نوٹس جاری کردئیے-

درخواست ضمانت میں چیئرمین نیب اور ڈائریکٹر جنرل نیب کو فریق بنایا گیا ہے ،درخواست میں موقف اختیار کیا گیا ہے کہ درخواست گزار سابق وزیراعظم اور معروف کرکٹر رہ چکے ہیں، چیئرمین پی ٹی آئی کے خلاف سیاسی بنیادوں اور ان کی شہرت کو نقصان پہنچایا جارہا ہے-

القادر ٹرسٹ کی نئے چیریٹی ایکٹ کی تحت رجسٹریشن کی درخواست مسترد

درخواست میں استدعا کی گئی ہے کہ 190 ملین پاؤنڈ اسکینڈل کیس کے فیصلے تک ضمانت بعد از گرفتاری منظور کی جائے-

نیب پراسیکیوٹر سہیل عارف نے کمرہ عدالت میں ہی نوٹس وصول کرلیا، احتساب عدالت نے نیب کو نوٹس جاری کرتے ہوئے سماعت 4 دسمبر تک ملتوی کردی-

جسٹس مظاہر نقوی نے جوڈیشل کونسل کے شوکاز نوٹس چیلنج کر دیئے