Zaka Ashraf
تازہ ترینکھیل

عماد وسیم کی کمی محسوس ہو گی،ذکاء اشرف

2 سال قبل
2 سال قبل

چیئرمین پی سی بی مینجمنٹ کمیٹی ذکا اشرف نے کہا کہ عماد وسیم پاکستان کرکٹ کا قیمتی اثاثہ رہے ہیں، ان کی کارکردگی خاص طور پر وائٹ بال کرکٹ میں ٹیم کی کامیابی کے لیے اہم رہی ہے۔ جب کہ ہم ان کے ریٹائرمنٹ کے فیصلے کا احترام کرتے ہیں، لیکن ہم ان کی کمی میدان میں محسوس کریں گے۔پی سی بی اور اس کی انتظامی کمیٹی کی جانب سے پاکستان کرکٹ کے لیے عماد کی خدمات کے لیے ان کا تہہ دل سے شکریہ ادا کیا ہے اور ان کی مستقبل کی کوششوں کے لیے نیک تمناؤں کا اظہار کرتا ہوں۔

واضح رہے کہ آل راؤنڈر عماد وسیم نے انٹرنیشنل کرکٹ سے ریٹائرمنٹ کا اعلان کرتے ہوئے آٹھ سال پر محیط کیریئر کا خاتمہ کردیا۔ 34 سالہ عماد نے مئی 2015 میں زمبابوے کے خلاف اپنے بین الاقوامی کیریئر کا آغاز کیا اور 55 ون ڈے اور 66 ٹی ٹوئنٹی میں پاکستان کی نمائندگی کی۔ انہوں نے اپنے بین الاقوامی کیریئر میں 109 وکٹیں حاصل کیں اور 1,472 رنز بنائے۔عماد گزشتہ کئی سالوں سے پاکستانی ٹیم کے اہم رکن رہے ہیں اور 2017 کی چیمپئنز ٹرافی جیتنے والی ٹیم کا حصہ تھے۔ اس نے 2016 کا T20 ورلڈ کپ، 2019 ورلڈ کپ، اور 2021 کا T20 ورلڈ کپ بھی کھیلا۔

Shares:

مزید خبریں