امام کعبہ 4 روزہ دورہ مکمل کر کے سعودی عرب روانہ ہوئے

امام حرم کعبہ الشیخ صالح بن حمید 4 روزہ دورہ پاکستان کے بعد سعودی عرب روانہ ہوگئے ہیں، انہوں نے فیصل مسجد اسلام آباد میں جمعہ کا خطبہ بھی دیا۔ امام کعبہ ڈاکٹرصالح بن عبداللہ بن حمید نے فیصل مسجد میں جمعہ کا خطبہ دیتے ہوئے کہا کہ آخرت کی بہتری کیلئے خود کواچھا کریں، مسلمانوں کی مثال جسم کی مانند ہیں۔ انہوں نے کہا کہ مسلمان ایک دوسرے کومضبوط کرتے ہیں، آپس میں اخوت، محبت اور مساوات کو فروغ دیں، ساتھ ہی ہدایت دی کہ مسلمانو! فلسفہ تقویٰ پر سختی سے کار بند رہو۔ امام حرم کعبہ الشیخ صالح بن حمید 4 روزہ دورہ پاکستان کے بعد سعودی عرب روانہ ہوگئے ہیں، دورے کے دوران انہوں نے صدر، آرمی چیف، وزیراعظم اور وزیرداخلہ سے ملاقاتیں کیں۔