لاہور: قومی ٹیم کے اوپنر امام الحق مسلسل نظر انداز کیے جانے پر سلیکشن کمیٹی پر پھٹ پڑے-
باغی ٹی وی: قامی پلیٹ فارم کو انٹرویو دیتے ہوئے اوپنر امام الحق نے موجودہ سلیکشن کمیٹی پر الزام لگاتے ہوئے کہا کہ کچھ کھلاڑیوں کو زیادہ مواقع فراہم کیے جارہے ہیں جبکہ انہیں مسلسل نظر انداز کیا جارہا ہے۔
انہوں نے کہا کہ اگر آپ کسی کھلاڑی کو 15 میچز دے رہے ہیں جبکہ اس جیسی صلاحیت کے دوسرے کھلاڑی کو صرف 3 میچ ملتے ہیں تو پسند نا پسند واضح ہے، آپ کا معیار دونوں کھلاڑیوں کی سلیکشن پر مختلف ہے۔
امام الحق نے ٹی 20 ورلڈ کپ 2024 کے حوالے سے کہا کہ مسلسل تبدیلیاں کرنے کی وجہ سے قومی ٹیم کو امریکا اور بھارت کیخلاف میچز میں شکست ہوئی، ہماری ٹیم جیت کے قریب پہنچ کر میچز ہار رہی ہے،ٹی20 ورلڈ کپ کے دوران ایسی ایسی کہانیاں سنیں جو بھارت میں ہونیوالے ون ڈے ورلڈ کپ سے بھی زیادہ بدتر تھیں، بابراعظم سے بات چیت ہوتی تھی لیکن صورتحال کا معلوم ہوتا تھا، مگر ٹیم کا حصہ ہونا اور معلومات ہونا دونوں الگ الگ چیزیں ہیں۔
