آئی ایم ایف نے پاکستان کیلئے 70 کروڑ ڈالر قسط کی منظوری دے دی

اسلام آباد: آئی ایم ایف ایگزیکٹو بورڈ نے پاکستان کے اقتصادی جائزے اور اسٹینڈ بائی ارینجمنٹ معاہدہ کی منظوری دے دی۔

باغی ٹی وی : وزارت خزانہ کے اعلانیہ کے مطابق آئی ایم ایف بورڈ نے پاکستان کو 70 کروڑ ڈالر کی قسط فوری طور پر جاری کرنے کی بھی منظوری دے دی، اسٹینڈ بائی ارینجمنٹ کے تحت مجموعی طور ایک ارب 90 کروڑ ڈالر مل چکے ہیں، آئی ایم ایف ایگزیکٹوبورڈ نے پاکستان کو 70کروڑ ڈالر فوری جاری کرنےکی منظوری دی ہے۔

واضح رہے کہ آئی ایم ایف کے ایگزیکٹو بورڈ کا اجلاس واشنگٹن میں ہوا جس میں پاکستان کو قرض کی اگلی قسط جاری کرنے کا فیصلہ ہوا آئی ایم ایف کے جائزہ مشن نے پاکستان کو یہ قسط جاری کرنے کی سفارش کی تھی پاکستان آئی ایم ایف کی جانب سے پیش کردہ تمام پیشگی نکات پر عمل درآمد کرچکا ہے۔