190 ملین پاؤنڈ ریفرنس،عمران ،بشریٰ پیش،وکیل صفائی کو ملاجرح کا آخری موقع

راولپنڈی،اڈیالہ جیل میں 190 ملین پاؤنڈ ریفرنس پر سماعت ہوئی

سماعت احتساب عدالت کے جج ناصر جاوید رانا نے کی،بانی پی ٹی آئی عمران خان کو کمرہ عدالت میں پیش کیا گیا،بشریٰ بی بی عدالت پیشی کیلئے اڈیالہ جیل پہنچی،بشریٰ بی بی کے وکیل عثمان گل کی مصروفیات کے باعث عدالت پیش نہ ہوئے،معاون وکیل فیصل چودھری کی جانب سے سماعت ملتوی کرنے کی استدعا کی گئی،نیب پراسیکیوشن ٹیم کی جانب سے سماعت ملتوی کرنے کی استدعا پر اعتراض کیا گیا،نیب پراسیکیوٹر سردار مظفر عباسی نے کہاکہ 36 سماعتیں ہوچکی ہیں بشریٰ بی بی کے وکیل جرح مکمل نہیں کررہے، کیس کو غیر ضروری طول دیا جارہا ہے وکیل صفائی کا جرح کا حق ختم کیا جائے10بجے سماعت کا وقت ہے وکیل صفائی پیش نہیں ہوئے، عدالت نے وکلاء صفائی کو بدھ کے روز دس بجے تک جرح کرنے کا آخری موقع دیا،عدالت نے کہا کہ آئندہ سماعت پر جرح نہ کی گئی تو جرح کا حق ختم کر دینگے ،عدالت نے ریفرنس کی سماعت 6 نومبر صبح 10 بجے تک ملتوی کر دی