![sharjeel](https://baaghitv.com/wp-content/uploads/2022/08/sharjeelmemona.jpg)
باغی ٹی وی کی رپورٹ کے مطابق پیپلز پارٹی کے رہنما، سندھ کے صوبائی وزیر اطلاعات شرجیل میمن نے کہا ہے کہ 9 مئی کو بتایا گیا کہ اگر ہمارے لیڈر کو کچھ ہوا تو نقصان پہنچائیں گے۔
شرجیل انعام میمن کا کہنا تھا کہ اب کچھ لوگ بیانات بدل رہے ہیں، کچھ لوگ پارٹیاں چھوڑ رہے ہیں، عمران خان کا موقف عیاں ہورہا ہے، جس طرح لوگوں کو پی ٹی آئی میں لایا گیا تھا، اسی طرح پارٹی کو چھوڑ رہے ہیں، جنہوں نے حملہ کیا تھا اس میں پی ٹی آئی کے لیڈر اس کے پیچھے تھے ، ہم ویڈیو میں دکھائیں گے کہ کون کون سے رہنما اس میں موجود ہیں، املاک کو نقصان پہنچایا گیا ، جن کے موٹر سائیکل جلائی گئی ہے ، ان کو حکومت موٹر سائیکل لیکر دے گی،میں ایڈوانس میں کہہ رہا ہوں یہ جو ہماری بسیں جلائی گئی ہیں ان کا پیسہ عمران خان کا گھر بیچ کر میں ان سے بھرواؤں گا، اس کے سارے پیسے ان سے وصول کریں گے،
وزیر اطلاعات و ٹرانسپورٹ سندھ شرجیل انعام میمن نے پریس کانفرنس میں میڈیا کے نمائندوں کو ویڈیوز دکھائی جس میں پی ٹی آئی کے کارکنوں کو جلاو گھیراؤ کرتے ہوئے دیکھا جاسکتا ہے
شرجیل انعام میمن کا کہنا تھا کہ پی ٹی آئی دہشتگرد تنظیم بن چکی ہے، 9 مئی پاکستان کی تاریخ کا سیاہ ترین دن تھا جس میں پاکستان کی سالمیت، پاکستان کے ادارے، پاکستان کے عوام الغرض ہر طبقے کے لوگوں کے خلاف سازش کی گئی پی ٹی آئی کے لیڈرز ان واقعات کے پیچھے تھے،ایم این ایز اور ایم پی ایز دہشت گردی کے واقعات کے پیچھے تھے۔ عمران خان نے تمام واقعات کا ذمہ دار ایجینسیوں کو قرار دیا، پرتشدد واقعات میں کون کون سے لیڈر ملوث تھے اب سب کے سامنے ہے، عمران خان نے ملکی سالمیت اور معیشت کو داؤ پر لگایا، عدالتوں نے عمران خان کو قانون سے ہٹ کر فیور دی، کرپشن کے سنگین ترین مقدمات عمران خان پر چل رہے ہیں۔کوئی بھی جماعت اس طرح کی سیاست نہیں کرتی عمران خان کو اپنے سوا ملک میں کسی کی پروا نہیں، عمران خان اقتدار کے حصول کے لیے لوگوں کو استعمال کر رہا ہے،خدا کا واسطہ لوگ عمران خان کے پیچھے نہ چلیں،جو لوگ یہ سمجھ رہے ہیں کہ وہ منتیں ترلے کرکے بچ جائیں گے تو ایسا نہیں ہے، جو جو لوگ ویڈیو میں موجود ہیں، حکومت ان کی بخشش نہیں کرنے دے گی،