سابق وزیراعظم عمران خان نے اڈیالہ جیل میں صحافیوں سے غیر رسمی بات چیت کرتے ہوئے کہا ہے کہ آئینی ترمیم اس لئے ہورہی ہے کیونکہ انہوں نے 4 امپائرز کو ساتھ ملاکر کھیلا اور پھر بھی ہار گئے،آئینی ترمیم 3 ایمپائروں کو توسیع دینے کیلئے کرنی پڑ رہی ہے،
عمران خان کا کہنا تھا کہ توسیع والے ایمپائرز میں چیف جسٹس قاضی فائز عیسیٰ ، چیف جسٹس اسلام آباد ہائیکورٹ اور چیف الیکشن کمشنر شامل ہیں،توسیع اس لیے دینے کی کوشش ہو رہی ہے تاکہ فراڈ الیکشن کو تحفظ دے سکیں،انہیں ڈر لگا ہوا ہے کہ قاضی فائر عیسیٰ راستے سے ہٹ گیا تو 9مئی اور فراڈ الیکشن کی تحقیقات کُھل جائیں گی، 9مئی کو ہماری پارٹی ختم کرنے کی کوشش کی گئی،آئین کے خلاف الیکشن کو تاخیر کا شکار کیا گیا تاکہ پی ٹی آئی کو کرش کیا جاسکے،مجھ پر 140 کیس 9 مئی سے پہلے ہو چکے تھے،مجھ پر 2قاتلانہ حملے بھی ہو چکے تھے،پارٹی ختم نہیں ہو رہی تھی اسی لیے 9مئی کیا گیا،قاضی فائز عیسیٰ ایک سال سے 9 مئی کی جوڈیشل انکوائری نہیں ہونے دے رہا،انہیں ڈر ہے کہ نیا چیف جسٹس آیا تو 9 مئی کی تحقیقات کرائے گا،9مئی جس نے کروایا وہی اس کا اصل ذمہ دار ہے، لاہور سے نکلتے ہوئے کہا تھا کہ وارنٹ دکھائیں اور گرفتار کر لیں،مجھے گرفتار کر کے گھسیٹ کر لے جانے کا مقصد لوگوں کو اشتعال دلانا تھا،ہر جگہ کی سی سی ٹی وی فٹیج غائب کر دی گئی،اسلام اباد ہائی کورٹ سے اغوا کی فٹیج بھی چوری ہو گئی،
قانون کی بالادستی کے بغیر سرمایہ کاری نہیں آسکتی،عمران خان
عمران خان کا مزید کہنا تھا کہ کرش کرنے کے بعد 8 فروری کا الیکشن کروایا گیا،8 فروری کو جو انقلاب آیا وہ ان کے وہم و گمان میں بھی نہیں تھا،8فروری کو پی ٹی آئی بغیر لڑے جیت گئی، نواز شریف نے تو فتح کی تقریر تیار کر رکھی تھی،یاسمین راشد جیل میں ہوتے ہوئے بھی جیت چُکی تھی،نواز شریف کو 74 ہزار ووٹ ڈلوائے گئے، 8ماہ گزر چُکے ہیں،الیکشن ٹریبیونل کیوں کام نہیں کر رہے، 3چیف جسٹس نے حمود الرحمان کمیشن رپورٹ بنائی تھی، حمود الرحمان کمیشن رپورٹ کہتی ہے کہ یحییٰ خان نے اپنی طاقت بچانے کے لیے جمہوریت کا جنازہ نکالا،اپنی طاقت بچانے کیلئے ملک کو آج دوبارہ اس نہج پر لایا جا رہا ہے،قانون کی بالادستی کو ختم کیا جا رہا ہے، قانون کی بالادستی کے بغیر سرمایہ کاری نہیں آسکتی یہ آپس میں جڑے ہوئے ہیں، جو بھی ہو جائے لاہور کا جلسہ کریں گے،قوم کو پیغام دیتا ہوں کہ لاہور کے جلسے میں کشتیاں جلا کر نکلیں،سیاسی استحکام کے بغیر معیشت مستحکم نہیں ہو سکتی،آج صورتحال یہ ہے کہ پاکستان کا موازنہ میانمار سے ہو رہا ہے،4 ہزار پاکستانی کمپنیوں نے دبئی چیمبر میں رجسٹریشن کروائی ہے پیسہ ملک سے باہر جا رہا ہے،چائنہ کی ترقی میں بیرون ملک مقیم چینیوں نے سرمایہ کاری کی تھی،بیرون ملک مقیم پاکستانی اثاثہ ہیں قرضوں کی دلدل سے نکالنے کے لیے ان کی سرمایہ کاری اہم ہے،بیرون ملک مقیم پاکستانی قانون کی بالادستی نہ ہونے کی وجہ سے سرمایہ کاری نہیں کر رہے،
صحافی نے سوال کیا کہ آئینی ترمیم والا معاملہ تو اب ریورس ہوگیا ہے،عمران خان نے کہا کہ حکومت نمبرز پورے کررہی ہے،انہوں نے ترمیم لانی ہی لانی ہے،صحافی نے پھر سوال کیا کہ ، مولانا فضل الرحمان کے کردار کو کیسے دیکھتے ہیں؟ عمران خان نے جواب دیتے ہوئے کہا کہ کچھ کہہ نہیں سکتا۔صحافی نے سوال کیا کہ آپ مولانا صاحب کے بارے میں کلیئر نہیں ہیں،جس پر عمران خان کا کہنا تھا کہ جمہوریت کیلئے تمام سیاسی قوتوں کو متحد ہونا پڑے گا، مولانا اگر جمہوریت کیلئے ساتھ کھڑا ہے تو یہ اچھی بات ہے،
میڈیا میں شائع ہونے والا ڈرافٹ اصل نہیں ہے۔
تحریک انصاف (پی ٹی آئی) نے آئینی ترمیم کے مسودے پر کوئی رضامندی ظاہر نہیں کی
آئینی ترامیم جمہوریت پر حملہ،سیاسی جماعتوں کو شرم آنی چاہیے،علی امین گنڈا پور
آئینی عدالتیں عالمی ضرورت ہیں، انوکھا کام نہیں کر رہے: بیرسٹر عقیل ملک
آئینی ترمیم کی ناکام کوشش: حکومت اور اتحادیوں میں اختلافات نمایاں، بیر سٹر علی ظفر
پیپلز پارٹی اور مولانا فضل الرحمان کی آئینی ترمیم پر بات چیت جاری ہے،خورشید شاہ
سپریم کورٹ میں مجوزہ آئینی ترامیم کو کالعدم قرار دینے کی درخواست دائر
آئینی ترامیم میں کیا ہے؟مسودہ باغی ٹی وی نے حاصل کر لیا
9 مئی کے حملوں میں عمران خان کا کردار،حکومت تفصیلات دے،بلاول
