سابق وفاقی وزیر،ن لیگی رہنما جاوید لطیف نے پریس کانفرنس کرتے ہوئے کہا ہے کہ آج پریس کانفرنس کا مقصد حقائق سامنے لانا ہے، جب بھی کوئی انتخابات قریب آتے ہیں تو نواز شریف کی مقبولیت دیکھتے ہوئے علاقائی جماعتیں نواز شریف سے سیٹ ایڈجسٹمنٹ کرتی آئی ہیں، آج اس عوامی حمایت کو اسٹیبلشمنٹ سے جوڑا جا رہا ہے،
جاوید لطیف کا کہنا تھا کہ چیئرمین تحریک انصاف نے 4 سال میں کرپشن کی داستانیں رقم کیں، عمران خان کی کرپشن اپنی جگہ لیکن بشری بی بی المعروف پنکی صاحبہ اور فرح گوگی نے بھی لوٹا، گزشتہ سالوں میں ہر ہاوسنگ سوسائٹی کے پیچھے ثاقب نثار ،جنرل فیض کھڑے نظر آئیں گے،آج بھی عمران خان وکٹ کے دونوں جانب کھیل رہاہے، ایک وکیل کہتا ہے کہ عمران خان اسٹیبلشمنٹ کے پاوں پڑنے پر تیا رہے، دوسرا وکیل کہتا ہے کہ انتخابات میں ہمارا مقابلہ ہی اسٹیبلشمنٹ سے ہے،گزشتہ 4 سال میں کرپشن کی وہ داستانیں سنیں جو 75 سال میں نہ ہوئیں، عمران خان، بشریٰ بی بی اور فرح گوگی نے پاکستان کو کیسے لوٹا، اس پر بات کرنے کو تیار نہیں ہیں، انہوں نے پاکستان کا پیسہ لوٹ کر باہر منتقل کیا۔ جہاں 6،6 گھنٹے بغیر گرفتاری کے ہمیں کھڑا کیا جاتا تھا، وہاں ان کو کھڑا کر دیں
