وزیراعظم عمران خان نے سابق وفاقی وزیر علی محمد خان مہر کی وفات پر ان کے گھر جا کر تعزیت کی ہے
باغی ٹی وی کی رپورٹ کے مطابق وزیراعظم عمران خان نے آج بدھ کو سندھ کا دورہ کیا ہے، عمران خان گھوٹکی پہنچے جہاں خان گڑھ میں جا کر وفاقی وزیر علی محمد خان مہر کی وفات پر ان کے اہلخانہ سے تعزیت کی اور افسوس کا اظہار کیا، اس موقع پر گورنرسندھ عمران اسماعیل، وفاقی وزراءڈاکٹر فہمیدہ مرزا اور محمد میاں سومرو اور رکن قومی اسمبلی غوث بخش مہر بھی وزیراعظم عمران خان کے ہمراہ تھے. وزیراعظم نے مرحوم علی محمد خان مہر کی وفات پر ان کے بھائی سردارعلی گوہر خان مہر، سردار علی نواز خان مہر اور مرحوم کے صاحبزادے سرداراحمد علی خان مہرسے تعزیت کی اور مرحوم کی روح کے ایصال ثواب کے لیے دعا کی۔
وزیراعظم عمران خان کی گھوٹکی آمد پر سیکورٹی کے سخت انتظامات کئے گئے تھے.
وزیراعظم عمران خان کا آج لاہور کا دورہ بھی متوقع ہے وزیراعظم لاہور آمد کے دوران اپنے ماموں کی وفات پر تعزیت کا اظہار کریں گے، وزیراعظم اس کے بعد اسلام آباد روانہ ہو جائیں گے
