اسلام آباد: اڈیالہ جیل میں قید پاکستان تحریک انصاف (پی ٹی آئی) کے بانی چیئرمین عمران خان کا طبی معائنہ کرنے کے لیے پمز اسپتال کے چار ڈاکٹروں پر مشتمل ایک ٹیم اڈیالہ جیل پہنچی، جہاں انہوں نے عمران خان کا مکمل طبی معائنہ کیا۔
جیل ذرائع کے مطابق، پمز اسپتال کے ڈاکٹروں کی ٹیم نے عمران خان کا طبی معائنہ کرنے کے بعد انہیں کچھ دوائیاں تجویز کی ہیں تاکہ ان کی صحت بہتر ہو سکے۔ ڈاکٹروں کی ٹیم نے تقریباً آدھ گھنٹہ تک عمران خان کا معائنہ کیا۔اس دوران جیل حکام نے بتایا کہ ڈاکٹروں کی ٹیم نے عمران خان کے بارے میں تفصیل سے رپورٹ تیار کی، جس کے بعد وہ واپس روانہ ہوگئی۔
دوسری جانب عمران خان کی جیل میں ملاقاتوں کے شیڈول کے بارے میں درخواست پر فیصلہ بھی محفوظ کر لیا گیا ہے۔ ذرائع کا کہنا ہے کہ عدالت میں اس درخواست پر سماعت ہوئی، جس میں عمران خان کی ملاقاتوں کے شیڈول میں کسی قسم کی رکاوٹ نہ ڈالنے کی درخواست کی گئی تھی۔
