عائشہ ذوالفقار
پاکستان میں ڈرامہ سیریل ’ارطغرل غازی‘ کی بے پناہ مقبولیت کے بعد اب ایک اور ترکش ڈرامہ ’یونس ایمرے‘ وزیر اعظم عمران خان کی خواہش پر بہت جلد پی ٹی وی پرپیش کیا جائے گا۔
باغی ٹی وی : رواں برس اپریل میں رمضان المبارک میں ترکی کا مشہورڈرامہ ’دیریلش ارطغرل‘ وزیراعظم عمران خان کی ہدایت پراردو میں ڈب کرکے ’ارطغرل غازی‘ کے نام سے پی ٹی وی پرپیش کیا جا رہا ہے جس نے مقبولیت کے وہ ریکارڈ توڑے جسے دیکھ کر ترک فنکار بھی حیران رہ گئے۔
’ارطغرل غازی‘ کی مقبولیت کے بعد اب ایک اورترک ڈرامہ ’یونس ایمرے‘ بہت جلد پی ٹی وی پرپیش کیا جائے گا رواں برس مئی میں اس ڈرامے کے بارے میں سینیٹر فیصل جاوید نے اپنے ٹوئٹر پر بتاتے ہوئے کہا تھا کہ وزیراعظم عمران خان نے ایک اور ترک ڈرامے ’یونس ایمرے‘ کو پی ٹی وی پر دکھائے جانے کی ہدایت کی ہے وہ چاہتے ہیں کہ پاکستانی عوام خاص کر نوجوان یہ ڈرامہ دیکھیں۔
تاہم پھر رواں ماہ فیصل جاوید خان نے ٹوئٹرپرر ’یونس ایمرے‘ کو پی ٹی وی پر دکھائے جانے سے متعلق ٹوئٹ کرتے ہوئے کہا کہ یونس ایمرے (صوفی درویش) 13 ویں صدی کے اسلامی صوفیانہ شاعراور گاؤں میں رہنے والے فقیر تھے۔
انہوں نے کہا کہ یہ ڈرامہ ان کی زندگی کے بارے میں ہے جنہوں نے اپنی زندگی مکمل طور پر اللہ کے لیے وقف کردی تھی اس ڈرامے کو وزیراعظم عمران خان کی ہدایت پر پی ٹی وی پر نشر کیا جائے گا۔
دوسری جانب پی ٹی وی کے آفیشل ٹوئٹر اکاؤنٹ سے رواں ماہ ’یونس ایمرے‘ کا ٹریلر اردو میں ڈب کرکے جاری کیا گیا اس ڈرامے کو پاکستان میں ’راہ عشق‘ کے نام سے پیش کیا جائے گا۔
تاہم اب پاکستان کے وزیر اعظم عمران خان نے اپنے ٹوئٹر اکاؤنٹ پر اپنے ٹوئٹ میں پاکستانی عوام تصوف میں دلچسپی رکھنے والوں کو ترک ڈرامہ سیریل یونس ایمرے دیکھنے کا مشورہ دے دیا-
I strongly recommend the serial Yunus Emre being shown on PTV for all those who are interested in Sufism (Marayfat).
— Imran Khan (@ImranKhanPTI) December 1, 2020
وزیراعظم عمران خان نے لکھا کہ میں پی ٹی وی پر ان تمام افراد کے لئے سیریل یونس ایمرے کو دکھائے جانے کی بھر پور سفارش کرتا ہوں جو تصوف میں دلچسپی رکھتے ہیں-
واضح رہے کہ ونس ایمرے (1320-1238) ترک زبان کے مشہور صوفی شاعر تھے جو 13 ویں صدی عیسوی میں اناطولیہ میں جس کا بیشتر حصہ دور حاضر کا ترکی کہلاتا ہے رہائش پذیر رہے۔
یونس ایمرے کی زندگی کے بارے میں بہت سی مصدقہ معلومات تو تاریخ کے اوراق میں گم ہو کر رہ گئیں لیکن ان کی زندگی کے بہت سے قصے آج بھی ترک لوک داستانوں کا اہم حصہ ہیں جنھیں بہت شوق سے پڑھا، سنا اور گایا جاتا ہے۔
