عمران خان کے قتل کی سپاری دے دی گئی، فیاض الحسن چوہان کا دعویٰ

باغی ٹی وی کی رپورٹ کے مطابق تحریک انصاف کے رہنما فیاض الحسن چوہان نے دعویٰ کیا ہے کہ عمران خان کے قتل کے لئے سپاری دے دی گئی ہے

سماجی رابطے کی ویب سائٹ ٹویٹر پر ٹویٹ کرتے ہوئے فیاض الحسن چوہان کا کہنا تھا کہ اطلاع ہے کہ کچھ لوگوں نے افغانستان میں موجود کوچی نامی دہشت گرد کو تحریک انصاف کے چئیرمین عمران خان کو قتل کرنے کی سپاری دی ہے

اطلاع ہے کہ کچھ لوگوں نے افغانستان میں موجود کوچی نامی دہشت گرد کو تحریک انصاف کے چئیرمین عمران خان کو قتل کرنے کی سپاری دی ہے

— Fayaz ul Hassan Chohan (@Fayazchohanpti) June 18, 2022

فیاض الحسن چوہان جو عمران خان کے گزشتہ روز ترجمان مقرر کئے گئے ہیں کی ٹویٹ کے بعد سوشل میڈیا صارفین کا کہنا ہے کہ عمران خان کی سیکورٹی سخت کی جائے، دوسری جانب عمران خان نے آنے والے دنوں میں کئی شہروں میں جلسوں کا فیصلہ بھی کیا ہے

واضح رہے کہ عمران خان خود بھی کہہ چکے ہیں کہ انہین قتل کروایا جا سکتا ہے، سیالکوٹ جلسے میں خطاب کرتے ہوئے عمران خان نے کہا تھا کہ ‏میرے قتل کی سازش ہورہی ہے:میں نے ویڈیو ریکارڈ کروا کے رکھ دی ہے ہ اگر مجھے کچھ ہوا تو یہ ویڈیو پوری قوم کے سامنے آئے گی

عمران خان کے اس بیان کے بعد ن لیگی رہنما مریم نواز نے وفاقی وزیر داخلہ رانا ثنا اللہ کو مخاطب کرتے ہوئے کہا ہے کہ ’رانا صاحب! عمران خان سے قتل کی سازش کے ویڈیو ثبوت لیے بغیراس کو چھوڑنا مت تاکہ اس کے نئے شوشے اور جھوٹ کو بے نقاب کیا جائے عمران خان کو سکیورٹی دیں مگر قوم کے مجرم اور سب سے بڑے فتنے کو اس کی اوقات سے باہر مت کریں، 4 سال میں عوام کے پیسے پر پروٹوکول کی جو لت اس کو لگ گئی ہے یہ وہی مانگ رہا ہے