اسلام آباد ہائی کورٹ: عدالتی حکم کے باوجود علی امین گنڈا پور کی بانی پی ٹی آئی سے ملاقات نہ کروانے پر توہین عدالت کیس کی سماعت ہوئی
سپریٹنڈنٹ اڈیالہ جیل کے بیان پر عدالت نے درخواست ہدایت کے ساتھ نمٹادی،اسلام آباد ہائی کورٹ کے جسٹس ارباب محمد طاہر نے سماعت کی،سپریٹنڈنٹ اڈیالہ جیل غفور انجم اور دیگر عدالت پیش ہوئے، اور کہا کہ معمول کے مطابق ملاقاتیں کرائی جارہی ہیں،فیملی کے بعد علی امین گنڈاپور کی ہی ملاقاتیں کرائی گئیں،تین ملاقاتیں ہوئیں،فوکل پرسن کے ذریعے بانی پی ٹی آئی سے ملاقاتیں کرائی جاتی ہیں،
عدالت نے کہا کہ فوکل پرسن کے ذریعے علی امین گنڈاپور کا نام بھی بھجوایاجائے، عدالت نے کہا کہ اگر بانی پی ٹی آئی ملاقات کرنا چاہیں تو ملاقات بھی کرائی جائے
علی امین گنڈا پور نے 24 جنوری کو ملاقات نہ کروانے پر عدالت سے رجوع کیا تھا،عدالت نے علی امین گنڈاپور کی درخواست ہدایت کے ساتھ نمٹادی۔
