برطانیہ میں پاکستان تحریک انصاف نے اپنی تاریخ کا سب سے بڑا مظاہرہ کیا ہے،پی ٹی آئی کارکنان نے 10 ڈاؤننگ اسٹریٹ کے باہر جمع ہو کر احتجاج کیا۔
لندن سے سینئر صحافی سید مرتضیٰ علی شاہ کے مطابق پی ٹی آئی کا یہ مظاہرہ سابق وزیر اعظم عمران خان کی حکومت کے خاتمے کے بعد پی ٹی آئی کی جانب سے برطانیہ میں کیا جانے والا سب سے بڑامظاہرہ سمجھا جا رہا ہے،یہ مظاہرہ عمران خان کی پاکستان میں "حتمی کال” کے تحت ہونے والے احتجاج کے ساتھ اظہار یکجہتی کے لیے کیا گیا۔ اس احتجاج میں برطانیہ بھر سے پی ٹی آئی کے حامیوں نے شرکت کی، جن میں نوجوان، خواتین، اور بزرگ شامل تھے۔ مظاہرین نے پارٹی کے جھنڈے لہراتے ہوئے اور "امپورٹڈ حکومت نامنظور” کے نعرے لگاتے ہوئے اپنی حمایت کا اظہار کیا۔
Biggest ever protest of thousands by PTI in Britain – outside 10 Downing Street – since Imran Khan government removal in April 2022. This was attended by PTI supporters from across the UK in support of PTI‘s ‘final call’ march in Pakistan #PTI pic.twitter.com/u66kvCfMd1
— Murtaza Ali Shah (@MurtazaViews) November 24, 2024
مظاہرین کا کہنا تھا کہ وہ عمران خان کے بیانیے کی حمایت کرتے ہیں، ان کا مطالبہ تھا کہ پاکستان میں فوری طور پر شفاف انتخابات کروائے جائیں تاکہ عوامی مینڈیٹ کے ذریعے حکومت قائم ہو سکے۔مظاہرے میں شامل افراد کا کہنا تھا کہ وہ پاکستان میں عمران خان کے لیے انصاف چاہتے ہیں اور ان کی قیادت پر مکمل اعتماد رکھتے ہیں۔ لندن کے مظاہرے میں شریک ایک پی ٹی آئی کارکن کا کہنا تھا کہ،”ہم عمران خان کے بیانیے کے ساتھ کھڑے ہیں۔ ان کی قیادت پاکستان کے لیے امید کی کرن ہے، اور ہم یہاں سے اپنے وطن کے لیے آواز بلند کر رہے ہیں۔”
10 ڈاؤننگ اسٹریٹ کے باہر ہونے والے اس مظاہرے کے دوران سیکیورٹی کے سخت انتظامات کیے گئے تھے۔ برطانوی پولیس نے مظاہرین کے پرامن احتجاج کو یقینی بنانے کے لیے اہم کردار ادا کیا۔
پی ٹی آئی احتجاج،قیادت بشریٰ بی بی نے سنبھال لی،کینٹینر پر چڑھ گئیں
پی ٹی آئی احتجاج، بشریٰ تو آ گئیں، علیمہ خان منظر سے غائب
اسلام آباد، مظاہرین پتھراؤ سے متعدد پولیس اہلکار زخمی
24 نومبردن ختم،لاہورسے نہ قافلہ نکلا نہ کوئی بڑا مظاہرہ
سپریم کورٹ پر حملہ کرنے والوں کو سزا مل جاتی تو نومئی نہ ہوتا، مبشرلقمان
بشریٰ کو خون چاہیے،مولانا کو 3 میسج کس نے بھجوائے؟
بشریٰ کا خطاب،عمران خان تو”وڑ” گیا. مبشر لقمان
خود گرفتاریاں دے رہے،پی ٹی آئی قیادت کہیں نظر نہیں آرہی،مصدق ملک
گاڑیوں میں بیٹھیں،تیز چلیں، خان کو لئے بغیر واپس نہیں آنا، بشریٰ بی بی کا شرکا سے خطاب
