عمران سے ملاقات نہ ہونے پر توہین عدالت درخواست پرسماعت ملتوی

اسلام آباد ہائیکورٹ کے جسٹس سردار اعجاز اسحاق نے مشعال یوسفزئی کی عمران خان سے اڈیالہ جیل میں ملاقات کروانے کا حکم دیا،عدالتی حکم کو نہیں مانا گیا مشعال یوسفزئی نے توہین عدالت کی درخواست دائر کی جب توہین عدالت کی کارروائی شروع ہوئی تو اچانک جسٹس سردار اعجاز اسحاق خان کی عدالت سے کیس لارجر بینچ کو ٹرانسفر کر دیا گیا، جسکی بنیاد پر ڈپٹی رجسٹرار جوڈیشل و دیگر کیخلاف عدالت نے توہین عدالت کی کارروائی شروع کر رکھی ہے کہ کس قانون اور رولز کیمطابق کیس ٹرانسفر کیا گیا،آج جسٹس سردار اعجاز اسحاق خان کی عدالت میں ڈپٹی رجسٹرار جوڈیشل اور عدالتی معاون کمرہ عدالت میں پیش ہوئے،ڈپٹی رجسٹرار جوڈیشل سلطان محمود کی طرف سے عدالت میں جمع کروایا گیا جواب عدالتی معاون کو نہیں مل سکا جس پر عدالت نے سماعت گرمیوں کی چھٹیوں کے بعد تک ملتوی کر دی ہے