سانحہ 9 مئی کے 12 کیسز میں ملزمان کی ضمانت درخواستوں پر سماعت کا معاملہ،بانی چیئرمین پی ٹی آئی،شاہ محمود قریشی اور شیخ رشید کی درخواستوں ضمانتوں پرسماعت ملتوی کر دی گئی
تمام درخواستوں کی سماعت 27 جنوری تک ملتوی کر دی گئی،تمام 12 مقدمات کے چالان پیش نہیں ہوئے ،مرکزی پراسیکیوٹر بھی پیش نہ ہوئے، پراسیکیوٹر نے کہا کہ تفتیشی ٹیم ریکارڈ سمیت لاہور گئی ہے،عدالت نے کہا کہ آئیندہ تاریخ پر مکمل ریکارڈ پیش کیا جائے۔انسداد دہشت گردی کی خصوصی عدالت کے جج ملک اعجاز آصف نے سماعت کی،بانی چیئرمین نے 12،شاہ محمود قریشی نے 6،شیخ رشید نے ایک مقدمہ میں درخواست ضمانت دائر کر رکھی ہے
دوسری جانب عوامی مسلم لیگ کے سربراہ شیخ رشید احمد کی 9 مئی کے مقدمات میں درخواست ضمانت کا معاملہ،انسداد دہشتگردی عدالت کے جج ملک اعجاز آصف نے سماعت 27 جنوری تک ملتوی کر دی،شیخ رشید کی جانب سے سردار شہباز ایڈووکیٹ عدالت میں پیش ہوئے
واضح رہے کہ عمران خان، شاہ محمود قریشی، شیخ رشید اڈیالہ جیل میں ہیںَ عمران خان کو نومئی کے مقدمات میں بھی گرفتار کیا گیا ہے تو وہیں شیخ رشید کو بھی نو مئی کے مقدمے میں ضمانت خارج ہونے پر عدالت سےگرفتار کیا گیا ہے
