عمران ریاض خان کے خلاف پیکا ایکٹ کے تحت وارنٹ گرفتاری جاری
اسلام آباد کی مقامی عدالت نے معروف صحافی اور ولاگر عمران ریاض خان کے خلاف پیکا ایکٹ کے تحت درج مقدمے میں وارنٹ گرفتاری جاری کردیے ہیں۔ذرائع کے مطابق، جوڈیشل مجسٹریٹ عباس شاہ نے یہ احکامات اُس مقدمے میں جاری کیے ہیں جو عمران ریاض خان پر جج ہمایوں دلاور کے خلاف مبینہ سوشل میڈیا مہم چلانے کے الزام میں درج کیا گیا تھا۔اطلاعات کے مطابق، نیشنل سائبر کرائم انویسٹی گیشن ایجنسی نے عمران ریاض خان کے خلاف جمع شدہ شواہد اور شکایات کی بنیاد پر عدالت سے وارنٹ گرفتاری حاصل کیے۔ عدالت کے حکم کے بعد ایجنسی نے عمران ریاض خان کی گرفتاری کے لیے کارروائی تیز کردی ہے۔
