پاکستان تحریک انصاف (پی ٹی آئی) کے رہنما شبلی فراز کی جانب سے اسلام آباد ہائیکورٹ میں توہین عدالت کی درخواست دائر کی گئی ہے۔
درخواست میں موقف اختیار کیا گیا ہے کہ بانی پی ٹی آئی عمران خان سے ملاقات نہ کرانے کے باعث عدالتی احکام کی خلاف ورزی کی جارہی ہے۔ پی ٹی آئی رہنما شبلی فراز نے عدالت میں درخواست دائر کی جس میں کہا گیا ہے کہ 24 مارچ 2025 کو اسلام آباد ہائیکورٹ کے لارجر بنچ نے ایک فیصلہ جاری کیا تھا۔ اس فیصلے کے مطابق عمران خان کو ہر ہفتے کے منگل اور جمعرات کو ملاقات کا حق فراہم کیا گیا تھا۔ تاہم، جیل حکام کی جانب سے اس فیصلے پر عملدرآمد نہیں کیا جارہا ہے اور عمران خان سے ملاقاتیں کرانے میں رکاوٹ ڈالی جا رہی ہے۔درخواست میں مزید استدعا کی گئی ہے کہ عدالت جیل حکام اور دیگر متعلقہ افراد کے خلاف توہین عدالت کی کارروائی کرے۔ شبلی فراز نے کہا کہ عدالتی احکامات کا احترام ضروری ہے اور جیل حکام کی جانب سے فیصلہ نہ ماننا عدلیہ کی توہین کے مترادف ہے۔
مجھے گھنٹہ فرق نہیں پڑتا،مناہل ملک کانازیبا ویڈیو لیک ہونے پر جواب
