عمران یعقوب منہاس دوسری بار کراچی پولیس چیف تعینات

کراچی: کراچی پولیس چیف خادم حسین رند کا تبادلہ کردیا گیا،جس کا نوٹیفکیشن بھی جاری کر دیا گیا ہے-

باغی ٹی وی :نوٹیفکیشن کے مطابق خادم حسین رند کو ایڈیشنل انسپکٹر جنرل (آئی جی) آپریشنز سندھ تعینات کردیا گیا جبکہ عمران یعقوب منہاس پولیس چیف کراچی ہوں گے،عمران یعقوب منہاس ایڈیشنل آئی جی سی ٹی ڈی کے عہدے پر تھے انہیں دوسری بار کراچی پولیس چیف تعینات کیا گیا۔

قبل ازیں وفاقی حکومت نے غلام نبی میمن کو دوسری بار آئی جی سندھ تعینات کیا ،حکومت سندھ کی سفارش پر وفاقی حکومت نے رفعت مختار راجا کو تبدیل کرکے غلام نبی میمن کو آئی جی سندھ تعینات کیا جبکہ رفعت مختار راجا کو اسٹیبلشمنٹ ڈویژن رپورٹ کرنے کی ہدایت کی گئی تھی،غلام نبی میمن اس سے پہلے بھی آئی جی سندھ ، ایڈیشنل آئی جی کراچی ، ڈائریکٹر انٹیلی جنس بیورو کراچی ، ڈی آئی جی سائوتھ ، ایس ایس پی گھوٹکی ، خیر پور ، لاڑکانہ ، ملیر سمیت دیگر اضلاع میں بھی تعینات رہ چکے ہیں۔

حماس کے حملے میں اسرائیلی کمانڈو ہلاک،16 فوجی زخمی

شیر افضل مروت کا جسٹس(ر) تصدق جیلانی کی تعیناتی چیلنج کرنے کا اعلان

ہر شخص سالانہ تقریباً 79 کلو کھانا ضائع کرتا ہے،اقوام متحدہ کی رپورٹ