عمران خان کا ایک دوست نااہل ہونے والا ہے،احسن اقبال کا دعویٰ

عمران خان کا ایک دوست نااہل ہونے والا ہے،احسن اقبال کا دعویٰ

باغی ٹی وی کی رپورٹ کے مطابق مسلم لیگ ن کے رہنما احسن اقبال نے کہا ہے کہ تیسرا سال جا رہا ہے پانچ گھر بھی نہیں بنے عمران نیازی نے ایک کروڑ نوکریوں کا وعدہ کیا تھا،

احسن اقبال کا کہنا تھا کہ عمران خان کا ایک دوست نااہل ہونے والا ہے ، سینیٹ اوپن الیکشن کیخلاف ہم سپریم کورٹ جائیں گے، کل علما مشائخ کانفرنس میں عمران خان کے الزامات اخلاق سے گری حرکت تھی آج پاکستان میں ہر جگہ منہگائی ہے،وعدہ کیا گیا تھا،آٹا،چینی سستی ہوگی،روزگار والے لوگ بے روزگار ہوگئے عمران نیازی نے ایک کروڑنوکریوں کا وعدہ کیا تھا،

احسن اقبال کا مزید کہنا تھا کہ عمران نیازی اپنے مفادات کے تحت اپنی پالیسیاں بدل لیتے ہیں،ایک طرف جھوٹی قیادت دوسری طرف سچی قیادت ہے،عمران نیازی نے علما کے سامنے جھوٹے الزام لگائے ،نواز شریف،شہباز شریف نے جو وعدے کیے، سب پورے کیے حکومت سینیٹ میں شفافیت کے نام پردھوکا دے رہی ہے عمران نیازی اپنے پیاروں کو سینیٹ میں لانا چاہتے ہیں ،26 مارچ ملکی سیاسی تاریخ میں سنگ میل کی حیثیت رکھے گا میٹھا میٹھا ہپ ہپ کڑوا کڑوا تھو تھو کا نظام نہیں چل سکتا حکومت پاکستان میں آئینی انتشار پھیلا رہی ہے،ا

احسن اقبال کا مزید کہنا تھا کہ عمران نیازی کو خطرہ ہے،ان کی اپنی جماعت انہیں ووٹ نہیں دینا چاہتی،عمران خان کی جماعت میں بغاوت ہے،حکومت لوگوں کو دھوکا دے رہی ہے، جھوٹ اور بہتان کی وجہ سےحکومت نہیں چل رہی،ااپوزیشن انتخابی اصلاحات پر یقین رکھتی ہے،حکومت سینیٹ الیکشن پرلوگوں کودھوکہ دےرہی ہے،ریفرنس عدالت پردباؤ ڈالنے کی کوشش ہے امید ہےعدالت صدارتی ریفر نس کوواپس کردے گی،

احسن اقبال کا مزید کہنا تھا کہ پاکستان کی ہر جمہوری جماعت کا موقف ہے کہ فوج کا سیاست میں کسی قسم کا عمل دخل نہیں ہونا چاہیے اگر اس بیان کے اوپر عمل کیا جائے گا اور یہ پاکستان کے لیے اور فوج کے لیے اور سب کے لئے بہتر ہے، لیکن ماضی بہت تلخ ہے، جو مارشل لاء لگے وہ فوج نے ہی لگائے۔