عمران خان پر برا وقت آنے پر کون ساتھ دے گا؟ شیخ رشید نے بتا دیا
باغی ٹی وی کی رپورٹ کے مطابق سابق وزیراعظم مسلم لیگ ق کے سربراہ چودھری شجاعت حسین سروسز ہسپتال لاہور میں زیر علاج ہیں
وفاقی وزیر ریلوے شیخ رشید احمد نے ہسپتال کا دورہ کیا ہے اور چودھری شجاعت کی عیادت کی ہے، شیخ رشید نے مسلم لیگ ق کے رہنما چودھری پرویزالہیٰ سے بھی ملاقات کی
اس موقع پر چودھری پرویز الہیٰ کا کہنا تھا کہ شیخ رشید چودھری شجاعت حسین کی خیریت دریافت کرنےآئے ہیں،چودھری شجاعت حسین کی طبیعت بہتر ہے کچھ دن اسپتال رکیں گے،کیا حکومت نے کسانوں کو احساس پروگرام پر چلانا ہے؟ کسانوں کے حقوق کے تحفظ کو یقینی بنائیں گے 18ویں ترمیم کے بعد محکمہ زراعت صوبوں کے پاس ہے ،معاشی ترقی کے ذریعے زرعی شعبے کو فعال کرنا ہوگا،
وفاقی وزیر ریلوے شیخ رشید احمد کا کہنا تھا کہ چودھری شجاعت حسین کی طبیعت میں بہتری کیلئے دعاگو ہیں،گلگت بلتستان انتخابات کے بعد اپوزیشن کے چہرے اتر جائیں گے،نوازشریف اورمریم نواز کے بیانات کے بعد عمران خان مضبوط ہوئے ،یہ کہتے ہیں عمران خان کو ہٹائیں تو ہم مذاکرات کیلئے تیار ہیں ،آرمی چیف کہتے ہیں منتخب حکومت کے ساتھ کھڑے ہیں،اپوزیشن گلگت بلتستان انتخابات میں شکست پر دھاندلی کا شور مچائے گی،انہیں مولانا فضل الرحمان سے ہی کچھ سیکھ لینا چاہیے،
شیخ رشید احمد کا مزید کہنا تھا کہ گلگت بلتستان انتخابات میں ن لیگ کو دھچکا لگے گا،ذوالفقار بھٹو نے کہا تھا انتخابات ملک کی بنیادیں ہلا دیتی ہے،سیاست دان مذاکرات سے انکار نہیں کرسکتا،ملک کو بحران سے بچانا چاہیے، معاشی صورتحال بہتر نہیں،عمران خان کہیں نہیں جارہے، اپنی مدت پوری کریں گے ،چودھری بردران کے ہوتے ہوئے نوازشریف کی نہیں چل سکتی،عمران خان پر جب بھی برا وقت آیا چودھری بردران ووٹ دیں گے،
