پاکستان کی تاریخ میں پہلے ایئر کنڈیشن پبلک واش رومز کا افتتاح

لاہور: پاکستان کی تاریخ میں پہلے ائیرکنڈیشن پبلک واش رومز کا ریلوے سٹیشن لاہور میں افتتاح کردیا گیا فیس 50روپے مقرر کردی گئی ۔

لاہور ریلوے اسٹیشن پر ائیر کنڈیشنڈ واش رومز پبلک کیلیے کھول دیے گئے ہیں، نئے بننے والے ایگزیکٹو واش رومز صاف ستھرے اور جدید سہولیات سے آراستہ ہیں جن میں سینیٹائزر اور ہاتھ سُکھانے والی مشین بھی ہے۔ واش رومز میں سردیوں میں پانی گرم رکھنے کیلیے گیزر لگائے گئے ہیں۔ ان واش رومز میں سفر سے تھکے مسافر فریش اپ بھی ہو سکیں گے اور اس ضمن میں شیمپو اور صاف ستھرا تولیہ بھی دستیاب ہو گا۔

واش رومز کی ایک اور خصوصیت یہ ہے کہ ان میں ماؤں کی سہولت کیلیے بچوں کے ڈائپر تبدیل کرنے کیلیے سٹینڈ بھی رکھا گیا ہے۔ صفائی ستھرائی یقینی بنانے کیلیے واش رومز میں صفائی کرنے والا عملہ ہر وقت موجود ہو گا مسافروں کی سہولت کیلیے یہ واش رومز اسٹیشن کے دونوں اطراف بنائے گئے ہی اور مرد و خواتین کیلیے الگ انتظام کیا گیا ہے۔ واش رومز میں سِیٹ اور کموڈ کی آپشن بھی موجود ہے۔

معاشی مشکلات کی وجہ سے آپریشن عزم استحکام کا فیصلہ کیا گیا ہے، خواجہ …

پاکستان ریلویز کے پلان کے مطابق اگلے تین ماہ میں ملک بھر کے تیرہ مزید اسٹیشنوں پر ایگزیکٹو واش رومز اوپن کر دیے جائیں گے۔ واش رومز پبلک پرائیویٹ پارٹنرشپ کے تحت بنائے گئے ہیں اور ان کے استعمال کی یکساں فیس پچاس روپے رکھی گئی ہے۔

امریکی صدارتی انتخابات: بائیڈن اور ٹرمپ میں مباحثے کا آغاز آج سے