باغی ٹی وی ،ڈیرہ اسماعیل خان(نامہ نگار)تھانہ نواب شہید پولیس نے مدعی وحیداللہ کی رپورٹ پر جان سے مارنے کی دھمکیاں دینے والے سات ملزمان کے خلاف مقدمہ درج کرکے تفتیش شروع کردی ہے۔تفصیلات کے مطابق تھانہ نواب شہید میں مدعی وحیداللہ ولد عزیز خان قوم نورنگ خیل سکنہ وانڈالوہانی نے رپورٹ درج کرائی ہے کہ میں اپنے دیگراہل خانہ کے ہمراہ گھر کے صحن میں سورہے تھے کہ اول خان، روزی خان، رضوان،شیرزمان پسران حمیداللہ، عرفان ولد حبیب نواز اقوام جوارخیل، روزی خان ولد سید احمدقوم جھنگ خیل سکنہ وانڈابڈھ آتشیں اسلحہ سمیت میرے گھرآئے اوردروازے پرہمیں ڈرانے دھمکانے کیلئے فائرنگ کی۔ وجہ عداوت سابقہ قتل مقاتلہ کی دشمنی ہے۔ تھانہ نواب پولیس نے مدعی وحید اللہ کی رپورٹ پر سات ملزمان کے خلاف مقدمہ درج کرکے واقعے کی تفتیش شروع کردی ہے-
تھانہ صدرکی حدود میں اراضی کے تنازعے پرپانچ ملزمان کے تشددسے ایک شخص زخمی،صدرپولیس نے مقدمہ درج کرکے ملزمان کی تلاش شروع کردی تاہم ملزمان فرارہونے میں کامیاب ہوگئے۔ تفصیلات کے مطابق تھانہ صدرمیں مدعی اسلم ولد عبدالرحمان قوم وزیر سکنہ گرہ حیات نے رپورٹ درج کرائی کہ میں اپنی اراضی میں کام میں مصروف تھا کہ اس دوران ملزمان اکرم، علی خان، نعیم پسران ارباب خان، اختر ولد نامعلوم، شاہجہان ولد نامعلوم اقوام یاسین زئی ودیگرنامعلوم ملزمان اسلحہ آتشیں،ڈنڈے،کلہاڑیوں سے مجھے زدوکوب کیا۔ کلہاڑیوں کے وار سے مجھے شدید زخمی کردیااورمیرے ٹریکٹر کے ٹائروں میں فائرنگ کرکے نقصان کیاہے۔وجہ عداوت اراضی کاتنازعہ چلاآرہاہے۔ تھانہ صدر پولیس نے ملزمان کے خلاف مقدمہ درج کرکے ملزمان کی تلاش شروع کردی ہے تاہم ملزمان فرارہونے میں کامیاب ہوگئے ہیں۔
ڈی ایس پی تھانہ یونیورسٹی کی قیادت میں پی اے ایس آئی سلیمان نے پولیس نفری کے ہمراہ روڑہ کے مقام پر ملزم رمضان ولد فیضو قوم ماہڑہ سکنہ روڑہ سے ایک بندوق بارہ بور اورپانچ کارتوس برآمدکرلیے، تھانہ یونیورسٹی میں ملزم کے خلاف مقدمہ درج کرکے گرفتارکرلیا۔
ڈی ایس پی پہاڑپورفضل رحیم خان گنڈہ پورکی قیادت میں اے ایس آئی جاوید نے پولیس نفری کے ہمراہ ملزم عرفان ولد گل خان قوم بھٹی سکنہ حال گندی بستی بگوانی شمالی سے ایک پستول تیس بور بمعہ تین کارتوس برآمدکرلیے، تھانہ پہاڑپور میں ملزم کے خلاف مقدمہ درج کرکے گرفتارکرلیا۔
ڈی ایس پی درابن کی قیادت میں ایس ایچ اوعبدالرشید نے پولیس نفری کے ہمراہ درابن چیک پوسٹ پر منشیات فروش عبدالقدیر ولد عربستان قوم شیرانی سکنہ محلہ ملاخیل درابن سے پانچ سوگرام چرس اورآہنی مکہ برآمدکرکے مقدمہ درج کرلیا-
ڈی ایس پی پہاڑپورفضل رحیم خان گنڈہ پور کی قیادت میں ایس ایچ اوظفرعباس نے ملزم نصراللہ ولد سردارعلی سکنہ میرن جائی کواشتہاری ملزم کامل نواز ولد نوراسکنہ جھوک عمرے والی کوپناہ وخوراک دینے پر گرفتارکرلیا۔
Shares:
