ڈی آئی خان : فائرنگ،جائیداد کا تنازعہ،چوری،قتل و غارت کے واقعات
باغی ٹی وی ، ڈیرہ اسماعیل خان(نامہ نگار) ڈسٹرکٹ پولیس آفیسر کیپٹن(ر)نجم الحسین لیاقت کے احکامات پر ڈی ایس پی کی قیادت میں تھانہ یونیورسٹی پولیس نے چار ملزمان کے خلاف فائرنگ کا مقدمہ درج کرلیا،واقعہ مستورات کا تنازعہ بیان کیاگیا ہے،چار ملزمان کی فائرنگ سے عبدالستارمحفوظ رہا،تھانہ یونیورسٹی پولیس نے تین ملزمان کے خلاف مقدمہ درج کرکے تفتیش کاآغازکردیا،
ایک اور کارروائی میں ڈی ایس پی تھانہ صدر کی قیادت میں یونیورسٹی پولیس نے مختلف علاقوں سے منشیات برآمدکرکے ملزمان کوگرفتارکرلیا، عوامی سماجی حلقوں کاڈی پی او کومنشیات کے خلاف کامیاب کاروائیوں پر خراج تحسین،جائیداد کے تنازعہ پر ملزم کی جان سے مارنے کی دھمکی، گاڑی کی ٹکر سے عمران ولد عنایت اللہ قوم مروت زخمی ہوگیا۔تفصیلات کے مطابق تھانہ صدرمیں عمران ولد عنایت اللہ قوم مروت سکنہ نظام پیٹرول پمپ بنوں اڈہ نے رپورٹ در ج کرائی ہے کہ ملزم ہارون ولد عنایت اللہ قوم مروت کے ساتھ جائیداد کا تنازعہ چلاآرہاہے۔ ملزم نے مجھے گاڑی کی ٹکر سے زخمی کیاہے جب کہ پستول ایم کیااورجان سے مارنے کی دھمکیاں دیں۔وجہ عداوت بھائی کے ساتھ گھر کی تقسیم کاتنازعہ ہے۔ تھانہ صدرپولیس نے زخمی عمران کی رپورٹ پر اس کے بھائی ہارون کے خلاف مقدمہ درج کرکے تفتیش شروع کردی ہے،
تھانہ کلاچی کی حدودروہڑی روڈنزدپائی وال پل سے نامعلوم شخص کی نعش برآمد،اے ایس آئی تھانہ کلاچی صادق خان نے بمعہ پولیس نفری موقع پر پہنچ کر نعش کو قبضہ میں لے کرتفتیش کاآغازکردیا.
پہاڑپورپولیس نے مسجد سے سٹپلائزرچوری کرنے والے ملزم کے خلاف مقدمہ درج کرکے ملزم کی تلاش شروع کردی، ملزم مسجد بستی فقیرنوالی سے 1000KVکاسٹپلائزرچوری کرکے لے گیاہے،مدعی کفایت اللہ ولد الٰہی بخش کی رپورٹ پر پولیس نے ملزم قمر ولد خادم حسین سکنہ رنگپورشمالی کے خلاف چوری کامقدمہ درج کرکے تفتیش کاآغازکردیا۔
تھانہ صدرمیں فضل الٰہی کی مدعیت میں دوملزمان کے خلاف فائرنگ کامقدمہ درج۔ ملزمان فائرنگ کے بعدفرارہونے میں کامیاب۔ تفصیلات کے مطابق تھانہ صدرمیں فضل الٰہی ولد کرم الٰہی سکنہ مندھراں کلاں بعمر33سال نے رپورٹ درج کرائی ہے کہ میں اپنے بیٹے احسن کے ہمراہ آرہاتھا کہ دوملزمان نعمان ولد یوسف اورکامران ولد نامعلوم نے ہوائی فائرنگ کی جس سے لگ کر میرابیٹافرمان گل زخمی ہوگیا ہے۔مدعی کے بیٹے کو فائرنگ کے واقعے کے بعد سول ہسپتال علاج کی غرض سے داخل کردیاگیا جہاں اس کی حالت خطرے سے باہر بتائی جارہی ہے۔ تھانہ صدرپولیس نے مدعی فضل الٰہی کی رپورٹ پر نعمان اورکامران کے خلاف فائرنگ کامقدمہ درج کرکے تفتیش شروع کردی ہے۔ ملزمان کی تلاش کا کام جاری ہے تاہم آخری اطلاعات آنے تک کوئی گرفتاری نہیں ہوسکی ہے۔
Shares:
