بھارت لُٹ رہا ہے ، بھارت مٹ رہا : کورونا نےتباہی مچادی، ہر3منٹ میں ایک شخص وائرس سے ہلاک ہونے لگا

ممبئی:بھارت لُٹ رہا ہے ، بھارت مٹ رہا : کورونا نے تباہی مچادی، ہر 3منٹ میں ایک شخص وائرس سے ہلاک،اطلاعات کے مطابق بھارت میں کورونا کی صورتحال انتہائی بدتر ہوگئی ہے اور ہر 3 منٹ میں ایک شخص وائرس سے ہلاک ہورہا ہے۔

یہ وہ تعداد ہے جو بڑے بڑے شہروں میں میڈیا کوملی ہے جبکہ حقیقت یہ ہے کہ کرونا کیسزکی تعداد یومیہ پانچ لاکھ سے تجاوزکرگئی ہے اورمرنے والوں کی تعداد بھی پچھلے دودنوں میں یومیہ 3ہزارسے تجاوزکرگئی ہے یوں دو دنوں میں 6 ہزار سے زائد لوگ ہلاک ہوگئے

بھارت میں کورونا وائرس کی صورتحال ہر گزرتے دن کے ساتھ بد سے بدتر ہوتی جارہی ہے، ملک میں آکسیجن سلنڈرز کی کمی کے باعث صورتحال مزید خطرناک ہوگئی ہے، اسپتالوں کے باہر لوگوں کی لمبی قطاریں موجود ہیں تاہم اسپتال میں جگہ نہ ہونے کے باعث عوام فٹ پاتھ پر سلنڈرز لیے نظر آرہے ہیں۔

بھارت میں ہر آنے والا دن کورونا کے ریکارڈ توڑ رہا ہے، بھارتی وزارت صحت کی جانب سے جاری اعدادوشمار کے مطابق گزشتہ 24 گھنٹوں کے دوران وبا سے مزید346,786 افراد متاثر ہوئے جب کہ 2624 افراد ہلاک ہوگئے جس کے بعد ہلاکتوں کی تعداد ایک لاکھ 90 ہزار تک پہنچ گئی ہے، اس کے علاوہ وائرس سے سب سے زیادہ متاثر ہونے والے ممالک میں بھارت اب دوسرے نمبر پر پہنچ گیا ہے۔

ماہرین کے مطابق بھارت میں صورتحال اس قدر خراب ہے کہ کورونا کی وجہ سے ہر 3منٹ میں ایک شخص کی موت ہورہی ہے جب کہ وبا کی حالیہ لہر کم از کم 3 ہفتے تک برقرار رہ سکتی ہے جس کے نتیجے میں اموات میں مزید اضافے کا امکان ہے