پاکستان کے آبی ذخائر اور توانائی کے اہم منصوبوں پر بھارت نے ایک بزدلانہ حملہ کیا، جس سے پاکستان کی سکیورٹی اور عالمی قوانین کی خلاف ورزی کی گئی۔ سکیورٹی ذرائع کے مطابق بھارت نے نیلم جہلم ہائیڈرو پروجیکٹ کو نشانہ بنایا، جو کہ ایک اہم آبی ذخیرہ اور توانائی کا منصوبہ ہے۔
بھارتی فورسز نے گزشتہ شب تقریباً دو بجے نوسیری ڈیم پر واقع انٹیک سٹرکچر پر گولہ باری کی۔ یہ سٹرکچر دریائے نیلم پر واقع ہے اور اس کا مقصد پاکستان کے ہائیڈرو پروجیکٹ کے آپریشن کو متاثر کرنا تھا۔ سکیورٹی ذرائع کے مطابق، اس حملے میں ایک ڈی سینڈرز یونٹ میں واقع انٹیک گیٹس کو نقصان پہنچا، جو اس ہائیڈرو پروجیکٹ کے لئے اہم تھے۔گولہ باری سے نہ صرف انٹیک گیٹس کو نقصان پہنچا بلکہ ہائیڈرولک سسٹم کے ایک ہائیڈرو پروٹیکشن یونٹ کو بھی شدید نقصان ہو مزید برآں، حملے میں ایک ایمبولینس بھی نشانہ بنی، جس سے یہ ثابت ہوتا ہے کہ بھارت نے انسانی زندگی کو بھی خطرے میں ڈالا۔
سکیورٹی ذرائع نے واضح طور پر کہا ہے کہ آبی ذخائر جیسے حساس مقامات پر حملہ کرنا بین الاقوامی قوانین کی صریحاً خلاف ورزی ہے۔ عالمی سطح پر آبی ذخائر اور توانائی کے منصوبوں پر حملے کو جنگی جرم قرار دیا جاتا ہے۔ پاکستان نے بھارت کے اس جارحانہ عمل کی شدید مذمت کی ہے اور عالمی برادری سے اپیل کی ہے کہ بھارت کی اس بدترین جارحیت کا سخت نوٹس لیا جائے۔پاکستان کی حکومت اور فوج نے بھارت کے اس حملے کو نہ صرف اپنے آبی ذخائر پر حملہ بلکہ ایک عالمی سطح پر جنگی قوانین کی خلاف ورزی قرار دیا ہے۔ پاکستان نے اس حملے کے نتیجے میں ہونے والے نقصانات کی تحقیقات کا آغاز کردیا ہے
