نئی دہلی: بھارت نے پاکستان اور چین کے ساتھ مذاکرات کے ذریعے سرحدی تنازعات ختم کرنے کا عندیہ دیا ہے۔
باغی ٹی وی: بھارتی میڈیا کے مطابق دوسری مدت کے لیے وزیرِ خارجہ مقرر کیے جانے کے موقع پر سُبرامنیم جے شنکر نے کہا کہ پاکستان اور چین سے سرحدی تنازعات نے دو طرفہ تعلقات کو ایک مدت سے کشیدہ کر رکھا ہے، شنکر نے پاکستان اور بھارت کے ساتھ دیرینہ تنازعات ختم کرنے کی ضرورت پر زور دیا ۔
ایس جے شنکر کا کہنا ہے کہ ہم پاکستان کے ساتھ دیرینہ تنازعات کا حل چاہتے ہیں ان میں سرحد پار سے مبینہ دہشت گردی نمایاں ہے ،سرحد پار دہشت گردی کسی اچھے پڑوسی کی پالیسی نہیں ہوسکتی، چین کے ساتھ بھی متعدد معاملات حل طلب ہیں اس حوالے سے کام کرنے کی ضرورت ہے اور بھارت اس کے لیے تیار ہے۔
یمن کے قریب تارکین وطن کی کشتی ڈوبنے سے 49 افراد ہلاک
واضح رہے کہ 2019 مقبوضہ کشمیر کے علاقے پلواما میں بھارتی قابض فوج کے ایک قافلے پر حملے کا الزام بھارت نے پاکستان میں سکونت اختیار کیے ہوئے مجاہدین پر عائد کیا تھا۔ تب سے دو طرفہ تعلقات مکمل کشیدگی کا شکار ہیں، اس واقعے کے بعد بھارت نے ایبٹ آباد میں فضائی حملہ کیا تھا جس کے جواب میں پاک فضائیہ نے بھارتی فضائیہ کا طیارہ اپنی حدود میں مار گرایا تھا اور بھارتی پائلٹ ابھینندن گرفتار کرلیا گیا تھا۔
نریندر مودی نے مسلسل تیسری مدت کے لیے اتوار کو وزیرِ اعظم کا منصب سنبھالا تو وزیرِ اعظم محمد شہباز شریف اورسابق وزیرِ اعظم نواز شریف نے بھارتی وزیرِ اعظم کو مبارک باد دی –
عدالت کا خواتین کے شناختی کارڈ پر والد کے نام کیلئے قواعد میں ترمیم کا …
دوسری جانب چین اور بھارت کے درمیان 3800 کلومیٹر کی سرحد ہے اس کا بڑا حصہ غیر نشان زد ہےسرحدی تنازع پر دونوں ملک 1962 میں جنگ لڑچکے ہیں، جولائی 2020 میں بھارت اور چین کے درمیان سرحدی کشیدگی نقطہ عروج کو پہنچی اور جھڑپوں میں 20 بھارتی اور 4 چینی فوجی مارے گئے، یہ ہلاکتیں دو بہ دو لڑائی میں ہوئیں کیونکہ ہتھیاروں کا استعمال ممنوع ہے-
