بھارت میں بہت جلد قیادت کا بحران پیدا ہوسکتا ہے،اروند کیجری وال

نئی دہلی: دہلی کے وزیرِ اعلیٰ اروند کیجری وال نے کہا ہے کہ بھارت میں بہت جلد قیادت کا بحران پیدا ہوسکتا ہے۔

باغی ٹی وی : کرپشن کیس میں سپریم کورٹ کی طرف سے ضمانت منظور کیے جانے کے نتیجے میں رہائی کے بعد ہفتے کو پریس کانفرنس سے خطاب کرتے ہوئے اروند کیجری وال نے کہا کہ بھارتیہ جنتا پارٹی ممکنہ طور پر مرکزی وزیرِ داخلہ اَمِت شاہ کو وزیر اعظم بنانے کے موڈ میں دکھائی دیتی ہے، اتر پردیش کے وزیرِ اعلیٰ یوگی آدتیہ ناتھ سے جان چُھڑالی جائے گی۔

دہلی کے وزیرِ اعلیٰ کا یہ بھی کہنا تھا کہ کسی کو بھی کچھ اندازہ نہیں کہ نریندر مودی کب تک وزیرِ اعظم کی حیثیت سے کام کرسکیں گےنریندر مودی نے خود یہ اصول طے کیا تھا کہ پارٹی میں کوئی بھی 75 سال کے بعد قائدانہ حیثیت میں نہیں رہے گا، 17 ستمبر کو نریندر مودی 75 سال کے ہو رہے ہیں، اُنہیں جانا ہوگا،صحت جواب دے رہی ہے ایسے میں بی جے پی یقینی طور پر متبادل قائد کی تلاش میں ہوگی لعل کشن چند ایڈوانی، مرلی منوہر جوشی، سُمترا مہاجن اور یشونت سنہا نے 75 سال پورے کرنے پر رخصت لی تھی۔

پی آئی اے پر یورپ اور برطانیہ میں پروازوں پر پابندی رواں ماہ ختم ہونے …

اروند کیجری وال نے سوال کیا کہ جو وعدے نریندر مودی کر رہے ہیں اُنہیں پورا کون کرے گا کیا اَمیت شاہ ایسا کر پائیں گے؟ کیا اُن کی شخص میں قائدانہ اوصاف ہیں؟ بی جے پی کے ووٹرز کو یہ بات سمجھنا ہوگی کہ وہ نریندر مودی کو نہیں بلکہ اَمیت شاہ کو ووٹ دے رہے ہیں۔

بھارت میں صاف اور شفاف انتخابات ایک سوالیہ نشان

ایک سوال پر اروند کیجری وال کا کہنا تھا کہ ہمارے لیے کئی طرح کی رکاوٹیں کھڑی کی جاتی رہی ہیں، جب بس نہ چلا تو قانون کی مشینری کو متحرک کیا گیا ہے،عدالتوں پر ہمیں پورا بھروسا ہے بے بنیاد مقدمات میں پھنساکر عام آدمی پارٹی کے جوش و خروش کا گراف نیچے لانے کی کوشش کی جارہی ہے، ہمیں یقین ہے کہ مودی سرکار کی اوچھی حرکتوں سے ہمارے ووٹ بینک پر کوئی منفی اثر مرتب نہیں ہوگا۔

ڈپٹی کمشنر لسبیلہ کا ضلع لسبیلہ میں ٹمبر مافیا کے خلاف سخت کارروائی کا حکم