مودی سرکار کے دور اقتدار میں بھارت خواتین کے لیے سب سے زیادہ غیر محفوظ ملک قرار دیا گیا ہے
مودی سرکار تعلیمی اداروں میں طلباء کا تحفظ یقینی بنانے میں بری طرح ناکام ہو گئی،بھارتی ریاست اڈیشہ میں مودی سرکار کی غفلت نے مظلوم طالبہ کو خودسوزی پر مجبور کر دیا ،بھارتی میڈیا کے مطابق اڈیشہ کے کالج میں طالبہ نے جنسی ہراسانی کی شکایت نظر انداز کیے جانے پر خود کو آگ لگا دی، ہسپتال انتظامیہ کے مطابق 90 فیصد سے زائد جلنے کی وجہ سے طالبہ کی حالت انتہائی نازک بتائی گئی ہے، واقعے کے دوران چندمزید طلبہ بھی آگ بجھانے کی کوشش کے باعث زخمی ہوئے، طالبہ کے مطابق فیکلٹی ممبر نے ناجائز مطالبات کیے اور انکار پر تعلیمی مستقبل برباد کرنے کی دھمکیاں دیں، فیکلٹی ممبر کی جانب سے طالبہ کو کلاسوں میں شرکت سے بھی روکا جا رہا تھا،طالبہ کی جانب سے مسلسل جنسی ہراسانی کی شکایت کر کے دھرنا بھی دیا گیا تھا، کالج انتظامیہ کے بعد پولیس کی جانب سے بھی جنسی ہراسانی کی شکایات پر کوئی کارروائی نہ کی گئی،
مودی کے دور اقتدار میں بھارت میں جنسی ہراسانی کے واقعات میں مسلسل اضافہ ہو رہا ہے ،مودی سرکار کی ناکام پالیسی کے باعث تعلیمی اداروں میں طلباء کی حفاظت کا فقدان بڑھتا جا رہا ہے،بھارت میں ناقص تعلیمی اقدامات اور طلبہ کی حفاظت میں سنگین کوتاہیوں نے مودی سرکار پر سوالات کھڑے کر دیے ہیں
