بھارت کی جانب سے پاکستان پر حملوں کے بعد پاک فوج کی جوابی کارروائیوں کے باعث بھارت نے انڈین پریمیئر لیگ (آئی پی ایل) کی معطلی کا اعلان کیا
بھارت نے انڈین پریمیئر لیگ (آئی پی ایل) کو عارضی طور پر معطل کرنے کا فیصلہ کیا ہے۔بھارتی میڈیا کے مطابق، بھارتی کرکٹ بورڈ اور آئی پی ایل منجمنٹ کا ایک ہنگامی اجلاس منعقد ہوا، جس میں صورتحال کا جائزہ لینے کے بعد یہ فیصلہ کیا گیا کہ آئی پی ایل کو فوری طور پر معطل کیا جائے گا۔ اجلاس میں مختلف تجاویز پر غور کرنے کے بعد اس بات پر اتفاق کیا گیا کہ موجودہ حالات میں کرکٹ کے ایونٹ کو جاری رکھنا ممکن نہیں ہے۔بھارتی میڈیا کا بتانا ہے کہ بھارتی بورڈ جلد آئی پی ایل کی معطلی سے متعلق تفصیلات بتائےگا۔
گزشتہ روز، آئی پی ایل کے دھرم شالہ میں کھیلا جانے والا میچ بھی روک دیا گیا تھا۔ اسٹیڈیم کی لائٹس بند کر دی گئیں اور غیر ملکی کھلاڑیوں نے اپنے وطن واپس جانے کے لیے پروازوں کی دستیابی چیک کرنا شروع کر دی تھی۔
یاد رہے کہ بھارت کی جانب سے پاکستان پر حملے کے بعد پاکستان کی عسکری اور سیاسی قیادت نے اپنے بھرپور ردعمل کا اظہار کیا ہے۔ پاکستان نے اعلان کیا ہے کہ وہ اقوام متحدہ کے چارٹر کے مطابق حملے کا جواب دینے کا مکمل حق رکھتا ہے۔ پاکستان نے دشمن کے حملوں کا منہ توڑ جواب دیا ہے اور اپنے دفاع کے لیے کسی بھی قسم کی قربانی دینے کو تیار ہے۔
