بھارت کا پاکستان کی BRICS میں شمولیت کے لیے حمایت کا اعلان

بھارت نے رواں ہفتے ہونے والے BRICS (برازیل، روس، بھارت، چین اور جنوبی افریقہ) کے 2024 سربراہی اجلاس میں پاکستان کی تنظیم میں شمولیت کے لیے باضابطہ طور پر اپنی حمایت کا اعلان کیا ہے۔ یہ پیشرفت جنوبی ایشیائی خطے میں دو بڑے حریفوں کے درمیان غیر معمولی سفارتی تعاون کی علامت ہے۔”South Asia Index” کی جانب سے جاری کی گئی ایک حالیہ رپورٹ کے مطابق، بھارت نے BRICS سربراہی اجلاس میں پاکستان کی شمولیت کی حمایت کا فیصلہ کیا ہے۔ یہ اجلاس رواں ہفتے روس میں منعقد ہو رہا ہے، جس میں اہم عالمی اقتصادی اور سیاسی امور زیر بحث آئیں گے۔
یہ پیشرفت اس وقت سامنے آئی ہے جب BRICS اپنی رکنیت میں توسیع کے لیے کام کر رہا ہے، تاکہ عالمی سطح پر مزید ممالک کو شامل کرکے تنظیم کے اثر و رسوخ کو بڑھایا جا سکے۔ بھارت کی طرف سے پاکستان کی شمولیت کے لیے حمایت کرنا دونوں ممالک کے درمیان تناؤ کے باوجود ایک بڑی تبدیلی سمجھی جا رہی ہے۔BRICS تنظیم کے لیے پاکستان کی شمولیت نہ صرف پاکستان کے لیے اقتصادی اور سفارتی مواقع میں اضافہ کرے گی بلکہ جنوبی ایشیا میں علاقائی تعاون اور استحکام کے امکانات کو بھی مضبوط کر سکتی ہے۔اب تمام نظریں 2024 کے BRICS سربراہی اجلاس پر مرکوز ہیں، جہاں عالمی رہنما اس اہم پیشرفت پر تبادلہ خیال کریں گے اور پاکستان کی شمولیت کے بارے میں حتمی فیصلہ کیا جائے گا۔