لندن: چیمپئنزٹرافی میں بھارت کے ایک ہی وینیو پر کھیلنے پر برطانوی اخبار نے بی سی سی آئی اور آئی سی سی کو آڑے ہاتھوں لے لیا۔
باغی ٹی وی: غیر ملکی میڈیا کے مطابق برطانوی اخبار ٹیلی گراف نے بھارت کے دبئی میں تمام میچز کھیلنے کو بڑا ایڈوانٹیج قرار دیا، اخبار نے لکھا کہ بھارت کی مرضی ہی چلنی ہے توفائنل میں ٹاس کی کیا ضرورت؟ بھارتی کپتان سے پوچھ لیا جائے پہلے بیٹنگ کرنی ہے یا بالنگ۔
چیمپئنزٹرافی میں نیوزی لینڈ کی ٹیم نے 7 ہزار سے زائد کلومیٹر سفر کیا جبکہ بھارتی ٹیم صرف دبئی میں ہی مقیم رہی اس نے تمام میچز دبئی میں کھیلے یعنی اس نے عملاً صفر کلومیٹر فاصلہ طے کیا جبکہ نیوزی لینڈ نے سب سے زیادہ یعنی 7048 کلومیٹر سفر کیا۔
آئی ایم ایف مشن کا سندھ کی معاشی کارکردگی پر اعتماد کا اظہار
واضح رہے کہ کیوی کپتان مچل سینٹنر نے بھی پریس کانفرنس میں کہا تھا کہ بھارت کو دبئی میں اپنے تمام میچز کھیلنے پر بڑا ایڈوانٹیج حاصل ہے،اس سے قبل چیمپیئنز ٹرافی کے دوران بھارت کے ”ہوم ایڈوانٹیج“ کو انگلینڈ کے سابق انگلش کپتانوں ناصر حسین اور مائیک آتھرٹن کی جانب سے بھی تنقید کا نشانہ بنایا گیا تھا۔
جبری شادیوں اور غیرت کے نام پر قتل کے خلاف موثر قانون سازی کی جائے.عفت سعید
